دەنيس تەن ءولىمى: ادۆوكات پوليتسەيلەردى جازالاۋدى سۇرادى

 بۇگىن دەنيس تەننىڭ ولىمىنە قاتىستى سوت وتىرىسى الماتى قالالىق قىلمىستىق ىستەر جونىندەگى مامانداندىرىلعان اۋدانارالىق سوتىندا وتۋدە، دەپ حابارلايدى قازاقپارات ءتىلشىسى

«ارمان قۇدايبەرگەنوۆتىڭ كولىك ۇرلاۋ دەرەگى بويىنشا قوزعالعان ءىستى تەرگەگەن پوليتسيا قىزمەتكەرى مەن ونىڭ ءبولىم باسشىسى قىلمىستىق جاۋاپكەرشىلىككە تارتىلسىن. ول (فاريدا رازبەكوۆا) سىزدەردى (سۋديانى) شاتاستىرىپ وتىر. كۇدىكتىنىڭ سوتتىلىعىن تەكسەرۋ ءۇشىن پروكۋراتۋرادان جازباشا تۇردە رۇقسات الۋى كەرەك بولاتىن. سونداي- اق، ونىڭ (قۇدايبەرگەنوۆتىڭ) كورسەتكەن مەكەنجايى بويىنشا دا ءتىنتۋ جۇرگىزىلمەگەن. ولار (انىقتاۋشى فاريدا رازبەكوۆا مەن ءبولىم باسشىسى شەريازدانوۆ) ق ر ق پ ك 136-138- باپتارىن ورەسكەل بۇزدى. پوليتسيا قىزمەتكەرلەرىن سەلقوستىق كورسەتكەنى ءۇشىن جاۋاپكەرشىلىككە تارتۋ كەرەك. وسىعان بايلانىستى جەكە قاۋلى شىعارۋىڭىزدى سۇرايمىن» ، - دەدى نۇرلان وستەمىروۆ.

سۋديا كەڭشىلىك ءابىلدينوۆ بۇل تالاپ ارىزعا قاتىستى شەشىمدى كەلەسى وتىرىستا شىعاراتىنىن ايتتى.

 ال كۇدىكتى قۇدايبەرگەنوۆتىڭ ءوزى پوليتسيا تەرگەۋشىسىنىڭ ءوزىن ۇرلىقتان سوڭ نەگە بوساتىپ جىبەرگەنىن تۇسىندىرە المادى.

ايتا كەتسەك، ءوتىپ جاتقان سوت وتىرىسىندا پوليتسيا ارمان قۇدايبەرگەنوۆتىڭ نەگە بوستاندىقتا جۇرگەنىن ءتۇسىندىردى.

 ەسكە سالساق، دەنيس تەندى بيىل 19 - شىلدەدە الماتى قالاسىندا بەلگىسىز بىرەۋلەر پىشاقتاپ كەتكەن ەدى. اۋىر حالدە اۋرۋحاناعا جەتكىزىلگەن سپورتشى كوز جۇمعان بولاتىن.

 دەنيس تەننىڭ ولىمىنە قاتىستى قىلمىستىق ءىس قوزعالىپ، كۇدىكتىلەر ىزدەستىرىلدى. ەلباسى دەنيس تەنگە قاتىستى قىلمىستى مۇقيات تەكسەرۋدى تاپسىردى. كەيىن ق ر ءى ى م كۇدىكتىلەردىڭ ۇستالعانىن جاريا ەتتى. ال، قىركۇيەك ايىنىڭ سوڭىندا ىشكى ىستەر ءمينيسترى قالمۇحانبەت قاسىموۆ اتالمىش قىلمىستىق ءىستىڭ تەرگەلۋىنە قاتىستى مالىمەت بەرگەن بولاتىن.

25 - جەلتوقساندا الماتى قىلمىستىق ىستەر بويىنشا اۋدانارالىق مامانداندىرىلعان سوتتا بەلگىلى سپورتشىنىڭ ءولىمى بويىنشا الدىن الا سوت تىڭدالىمى وتكەن بولاتىن.