پەتروپاۆلدا لاتىن گرافيكاسىن ۇيرەتەتىن تەگىن كۋرستار اشىلدى
پەتروپاۆل. قازاقپارات - سولتۇستىك قازاقستان وبلىسىندا قازاق ءالىپبيىن لاتىن گرافيكاسىنا كەزەڭ- كەزەڭمەن كوشىرۋ بويىنشا اۋقىمدى اقپاراتتىق جۇمىستار جۇرگىزىلىپ جاتىر، دەپ حابارلايدى قازاقپارات ءتىلشىسى.
وڭىرلىك كوممۋنيكاتسيالار قىزمەتىنىڭ اقپاراتىنا سۇيەنسەك، بۇل باعىتتاعى جۇمىستار پەتروپاۆلدا لاتىن گرافيكاسىنا نەگىزدەلگەن قازاق ءالىپبيىن ۇيرەتەتىن ورتالىقتى اشۋدان باستالعان.
«كۋرستاردا ءبىز لاتىن جازۋىن تەگىن ۇيرەتەمىز. ولار س. مۇقانوۆ اتىنداعى وبلىستىق كىتاپحانادا اپتاسىنا ەكى رەت بولادى. كىتاپحانادا لاتىن جازۋىمەن جازىلعان 100-دەن استام ماتەريال، جامبىلدىڭ 1938 -جىلى جارىق كورگەن ولەڭدەر جيناعى ساقتاۋلى»، - دەيدى تىلدەردى دامىتۋ باسقارماسىنىڭ باسشىسى كەمەل وسپانوۆ.
قازاق ءالىپبيىن لاتىن گرافيكاسىنا كوشىرۋدى ءتۇسىندىرۋ جونىندەگى وڭىرلىك جۇمىس توبى جاساقتالىپ، ونىڭ قۇرامىنا م. قوزىبايەۆ اتىنداعى س ق م ۋ پروفەسسورلارى، ءتىل ءبىلىمى عالىمدارى كىردى.
«ءبىز تۇرلىشە سەمينارلار وتكىزەمىز. اتاپ ايتقاندا، م. قوزىبايەۆ اتىنداعى سقمۋ- دا ش. شاياحمەتوۆ اتىنداعى «ءتىل - قازىنا» رەسپۋبليكالىق تىلدەردى دامىتۋ عىلىمي- پراكتيكالىق ورتالىعىنىڭ ءبولىم باستىعى ايدوس ءابدىحالىقوۆتىڭ، ل. ن. گۋميلەۆ اتىنداعى ە ۇ ۋ پروفەسسورى، فيلولوگيا عىلىمدارىنىڭ دوكتورى بەكجان ءابدۋاليدىڭ قاتىسۋىمەن «قازاق ءتىلى ءالىپبيىن لاتىن گرافيكاسىنا كوشىرۋدەگى ەملەنىڭ نەگىزگى ەرەجەلەرىنىڭ جوباسى» تاقىرىبىندا سەمينار وتكىزدىك. «لاتىن گرافيكاسىنا كوشۋ- مەملەكەتتىك ءتىلدىڭ تىرەگى» اتتى لاتىنمەن جازىلعان تاريحي قۇجاتتار كورمەسىن ۇيىمداستىردىق، ستۋدەنتتەر اراسىندا شىعارما جازۋدان جارىس وتكىزدىك»، - دەيدى ك. وسپانوۆ.
وبلىستىق تىلدەردى دامىتۋ باسقارماسى وكىلدەرىنىڭ ايتۋىنشا، وڭىردە لاتىن جازۋىنا كوشۋ بويىنشا رەسپۋبليكالىق سەمينارلاردى، كەزدەسۋلەردى، دوڭگەلەك ۇستەلدەردى قوسقاندا، جالپى 500-دەن استام شارا وتكىزىلگەن.
«لاتىن گرافيكاسىنا كوشۋ - قوعامدىق سانانى جاڭعىرتۋدىڭ ءبىر نەگىزى»، - دەيدى ك. وسپانوۆ.
اۆتور: ولەسيا جۋكوۆەن