نەلىكتەن ايەلدەر ەر ادامدارعا قاراعاندا ۇزاق ءومىر سۇرەدى؟
ەر ادامداردىڭ ءومىرى اۋىر.. .
بۇرىن ەر ادامداردىڭ جۇمىسى وتە اۋىر (ەگىستىك، شاحتا، زاۋىت) بولعاندىقتان، ەرتە قايتىس بولادى دەپ بولجاناتىن. اۋىر ەڭبەك دەنساۋلىققا ءوز اسەرىن بەرىپ، ولار ءجيى اۋىرادى دەلىنەتىن. ءبىراق قازىر بارلىعىمىز شامامەن بىردەي جۇمىس (اسىرەسە، وتىرىپ جاسايتىن) اتقارامىز. ياعني، ءومىر ءسۇرۋ ۇزاقتىعى تەڭدەسۋ كەرەك بولاتىن. الايدا، ولاي بولمادى: ەگەر 200 جىل بۇرىن ايەلدەر ورتاشا ەسەپپەن 33 جىل، ەركەكتەر 31 جىل ءومىر سۇرگەن بولسا، قازىر سايكەسىنشە، شامامەن 83 جانە 79 جاس. ول كەزدە دە، قازىر دە ايىرماشىلىق%5 دى قۇرايدى.
ەر ادامدار ءجيى تاۋەكەلگە بارادى.. .
عالامتوردان ەركەكتەردىڭ «ءبىرتۇرلى» تاۋەكەلگە باراتىن ساتتەرىن ءجيى كورۋگە بولادى. سونىمەن قاتار، ەر ادامدار ەكسترەمالدى سپورتقا جاقىن بولاتىنى دا راس. سونىمەن قاتار، ولار ايەلدەرگە قاراعاندا ءجيى تەمەكى تارتىپ، الكوگول ىشەدى. الايدا، عالىمداردىڭ ايتۋىنشا، مۇنداي ادىلەتسىزدىكتىڭ نەگىزگى سەبەبى اعزامىزدىڭ قۇرىلىسىندا ەكەن.
سۇراقتىڭ جاۋابى ءبىزدىڭ گەندە جاتىر
ءبىزدىڭ حروموسومالارىمىزدىڭ ۇشىندا قورعانىش قالپاقشالار - تەلومەرلەر بار. ولار قىسقارعان سايىن جاسۋشالار قارتايىپ، ولە باستايدى. عالىمدار ايەلدەردىڭ تەلومەرلەرى ەر ادامداردىڭ تەلومەرلەرىنە قاراعاندا باياۋ قىسقاراتىندىعىن انىقتاعان. ونىڭ سەبەبى ايەل گورمونى ەستروگەنى، ياعني بۇل گورمون حروموسومانى قارتايۋدان قورعايدى. «ەستروگەن تەلومەرلەردى ۇزارتاتىن فەرمەنتتىڭ بەلسەندىلىگىن ارتتىرادى، سوندىقتان ءومىر ۇزاقتىعى جوعارىلايدى. سونىمەن قاتار، بۇل گورموننىڭ جوعارعى دەڭگەيى جۇرەك- قان تامىرلارى جۇيەسىن جاقسى جاعدايدا ۇستاپ تۇرۋعا كومەكتەسەدى»، - دەپ دايەكسوز كەلتىردى Daily Mail.
ەرلەر vs ايەلدەر: كىمگە ارىقتاۋ وڭاي؟
ەر ادامداردان بۇل مالىمەتتەرگە قاراپ، كوڭىل كۇيلەرىن تۇسىرمەۋلەرىن سۇرايمىز. گارۆارد ۋنيۆەرسيتەتىنىڭ زەرتتەۋشىلەرى ءومىردى ون جىلدان اسا ۋاقىتقا ۇزارتۋعا كومەكتەسەتىن ادەتتەردى انىقتاعان. بۇل ادەتتەرگە تەمەكى تارتپاۋ، دەنە ماسساسىنىڭ يندەكسىنىڭ، جاتتىعۋ زالىنا بارۋ، الكوگولدى كوپ ىشپەۋ جانە دۇرىس تاماقتانۋدى قولعا الۋ جاتادى.
Massaget.kz