استانادا كينو بيلەتتەرىنىڭ قۇنى ارزاندادى
زەرتتەۋدەن بەلگىلى بولعانداي، قازاقستاندا كينوعا كىرەتىن ەڭ قىمبات بيلەتتەر اتىراۋدا ساتىلادى. وسى قالادا بيلەتتىڭ ورتاشا قۇنى 1749 تەڭگەنى قۇراپ، ءبىر جىل بۇرىنعى كورسەتكىشتەن 6,1 پايىزعا جوعارى بولدى. استانادا ورتاشا باعا 1506 تەڭگەنى قامتىپ، وتكەن جىلعى سايكەس كەزەڭنەن 1,8 پايىزعا ارزانداعان.
قاراشاعا قاراي قازاقستاندا كينو بيلەتىنىڭ قۇنى ورتاشا ەسەپپەن 1224 تەڭگەنى قۇراپ، ءبىر اي بۇرىنعى دەڭگەيدەن 0,2 پايىزعا ارتىقتاۋ.
اتاپ ايتقاندا، 2018 -جىلدىڭ قاڭتار- قاراشاسىندا مادەنيەت، دەمالىس جانە ويىن- ساۋىق سالاسىنداعى قىزمەتتەر بويىنشا باعا ءوسىمى بىلتىرعى وسى كەزەڭگە قاراعاندا 5,2 پايىزعا جەتتى. سونىمەن بىرگە، اتالعان ۋاقىتتا كينو قىزمەتتەرىنىڭ قۇنى 0,8 پايىزعا عانا كوتەرىلدى.
مۇنداي كورىنىس سوڭعى جىلدارى تۇراقتى تۇردە بايقالۋدا. وسى ارقىلى، كينو ەڭ قولجەتىمدى ءارى باياۋ قىمباتتايتىن قىزمەت ءتۇرى بولىپ وتىر.
اۆتور: رۋسلان عابباسوۆ