ادامنىڭ قولىنا قاراپ بويىنداعى ءتۇرلى اۋرۋلاردى قالاي انىقتايدى؟

 استانا. قازاقپارات - باس بارماق پەن سۇق ساۋساعىمىزدى بىرىكتىرسەك، الاقان ىشىندە سىزىقتار پايدا بولادى. ولار ومىرگە دەگەن قۇشتارلىقتىڭ كورىنىسى.

ال وكپەنىڭ تازالىعىن سىزىقتاردىڭ نەعۇرلىم ايقىن بولۋىمەن بايلانىستىرۋعا بولادى.

باس بارماقتى شالقايتۋ قيىنعا سوقسا، ەرىك جىگەردىڭ وتە مىقتى بولعانى.

تامىرلار

الاقاننىڭ سىرتىنداعى كوگىلدىر ءتۇستى تامىلار قان قۇرامىندا كومىر قىشقىل گازىنىڭ كوپتىگىن كورسەتەدى. دارىگەرلەر بۇندايدا تازا اۋادا كوبىرەك جۇرۋگە كەڭەس بەرەدى.

جۇدىرىقتى تۇيگەن كەزدە، كەيبىر ساۋساقتاردىڭ العا قاراي ۇمتىلۋى - تولىقتاي جەكە تۇلعا بولىپ قالىپتاسقان، ەگوتسەنتريزمگە بەيىم، وزىندىك تاڭداۋى بار جاندار.

قولداردىڭ يكەمدىلىگى دەنە قوزعالىسىنىڭ يكەمدىلىگىمەن بايلانىستى.

ۇزىن، جىڭىشكە، ىسىنگەن تىرناقتار - بۇيرەك اۋرۋى. ەڭ ءبىرىنشى شىناشاق ساۋساقتان باستالادى.

ۇزىن ءارى سەمىز ساۋساقتار - كوڭىل-كۇيى كوتەرىڭكى، ەنەرگياعا تولى ادامدارعا تيەسىلى.

ءۇستى قارايعان، تەز سىنعىش تىرناقتار - ينفەكتسيالىق اۋرۋ.

اينەك سەكىلدى ىسىنگەن تىرناقتار - جۇرەك، ىشەك، وكپە جانە بەز اۋرۋلارى.

ىشىنە يىلگەن ساۋساقتار - تۇراقسىزدىقتى، ومىرگە كۇدىكپەن قاراۋ، ەسەپتەسكىشتىك.

سىرتقا يىلگەن ساۋساقتار قورشاعان ورتاسىنا جىلدام يكەمدەلىپ، مىقتى كۇش-جىگەرگە يە جاندارعا تيەسىلى.

كونۋس ءتارىزدى ساۋساقتار - جۇرەككە جىلدام قابىلداۋ، تۇيىق، شەشىم قابىلداۋدا جاسىقتىق.

قىسقا ءارى سەمىز ساۋساقتار - ءوزىمشىل، سەزىمتال ءارى تەز اشۋلانشاقتىق.

الاقان

مەديتسينا عىلىمى ساۋساقتار مەن الاقانداردىڭ كومەگىمەن ادامنىڭ دەنساۋلىعى تۋرالى كوپتەگەن مالىمەتتەر الۋعا بولاتىندىعىن انىقتاپ وتىر. ادەتتە دەنساۋلىعى جاقسى، جاستايىنان بيمەن اينالىسقان جانداردىڭ الاقان ساۋساقتارى يىلگىش كەلەدى. ولار كەم دەگەندە سىرتقا قاراي يىلە ءبىلۋى كەرەك. ال الاقاننىڭ ىشكى بولىگىنە جيىرىلعان تەرى سكلەروز اۋرۋىنىڭ بار ەكەندىگىن كورسەتەدى.

كۇرەك تارىزدەس ساۋساقتار قولدىڭ تومەنگى بولىگىمەن بىردەي بولىپ كەلەدى. ەنەرگياعا تولى، اقىلدى، باتىل، شەشىم قابىلداعىش، وزگەرگىش. بۇنداي ادامدار كوپ جاعدايدا وزدەرىن ۇستاي المايدى.

سىنعىش تىرناقتار - اعزادا مينەرالدى زاتتاردىڭ جەتىسپەيتىندىگى.

تىرناقتاعى مايدا ايلار

قان اينالىم جۇيەسى مەن ومىرگە دەگەن قۇشتارلىقتى تىرناقتىڭ تومەنگى بولىگىندە كورىنىپ تۇراتىن ايلار ارقىلى انىقتاۋعا بولادى. ال ولاردىڭ ۇلكەندىگى جۇرەكتىڭ سوعۋ جيىلىگىمەن بايلانىستى. ايشىقتار تىرناقتىڭ باسقا بولىكتەرىنەن بولەك تۇرسا، بۇل ادام ديابەت اۋرۋىنا شالدىققان.

ولار مۇلدەم كورىنبەسە، بۇيرەك اۋرۋى نەمەسە جاساندى بۇيرەكتىڭ بولۋى.

تىرناق بەتىندەگى شۇڭقىرلار - پسورياز اۋرۋى.

تىرناقتا دوڭگەلەك ءتارىزدى شۇڭقىرلاردىڭ بولۋى - بۋىن ريەۆماتيزمى.

بۇيرەك پەن وكپە اۋرۋلارىن اتىجوق ساۋساقتىڭ تىرناعى ارقىلى انىقتاۋعا بولادى. ىشەك اۋرۋلارى ورتاڭعى ساۋساقتىڭ تىرناعىمەن بايلانىستى. سۇق ساۋساقتىڭ تىرناقتارى باس اۋرۋىن انىقتايدى.

ساۋساق بولىكتەرىنىڭ ۇزىندىعى

دۇرىس بولىكتەر: ءبىرىنشى بولىك - 2,5 سانتيمەتر، ەكىنشى بولىك - 3,5 سانتيمەتر، ءۇشىنشى بولىك - 4,5 سانتيمەتر بولۋى ءتيىس. ولاردىڭ ءبىرىنشىسى - مەنتالدى كۇش، ەكىنشىسى - استرالدى كۇش، ءۇشىنشى بولىگى - فيزيولوگيالىق كۇش. ەگەر ساۋساق بولىكتەرىنىڭ ۇزىندىعى كەم بولسا، كەيبىر كۇشتەردىڭ جەتىسپەيتىندىگىن بىلدىرەدى. ءبىرىنشى بولىك باس، مي بولىكتەرىمەن بايلانىستى، ءبىرىنشىسى مەن ەكىنشىسى بىرىگىپ ومىرتقامەن بايلانىستى.

بۋىندارى ايقىن بىلىنەتىن، جوعارعى بولىگى دوڭگەلەنگەن ساۋساقتار جانە ادەتتە باس بارماق سەمىز بولادى. بۇنداي ادامدار عىلىممەن، تەحنيكامەن اينالىسادى. ياعني، قارىم-قاتىناسقا جىلدام تۇسە بەرمەيتىن مىقتى تۇلعالار.

تىرناقتارداعى اق نۇكتەلەر

ولاردىڭ ۇنەمى كورىنىس تابۋى - بۇيرەك، باۋىر، ليمفاتيكالىق جۇيە اۋرۋلارى نەمەسە كۇشانمەن ۋلانۋ.

بىلەكتىڭ ىشكى بولىگىندەگى اجىمدەر

ءدال وسىنداي ءۇش ءاجىمى بار ادامدار ۇزاق ءومىر سۇرەدى، ءتىپتى، ءجۇز جاساۋى مۇمكىن.

قۇرعاق تەرى

بۇل گورمانالدى قيىندىقتار مەن دۇرىس تاماقتانباۋمەن بايلانىستى.

تەمپەراتۋرا

سۋىق قولدار - گورمانالدى قيىندىقتار مەن قان اينالىم جۇيەسىنىڭ بۇزىلۋى. ىستىق قولدار - اعزادا مينەرالداردىڭ جەتىسپەۋى. تەرىنىڭ جىبىرلاۋى - جۇيكە جۇيەسىنىڭ سىر بەرە باستاۋى.

ءبىر-بىرىنە جاقىن ورنالاسقان ساۋساقتار - سەزىمتال، قيالى ۇشقىر، ەموتسياعا تولى تۇلعا.

اڭگىمە بارىسىندا ساۋساقتارىن الاقانىنا جاسىرىپ سويلەيتىن ادامدار - ۇيالشاق نەمەسە اۋرۋىن جاسىراتىن جاندار.

ساۋساعى ءىسىنىپ جۇرەتىن ادامدار - تىنىس الۋ جولدارى دۇرىس ەمەس جاندار.

تەرىنىڭ ءتۇسى

قىزعىلت ءتۇستى - جۇيكەسى شارشاعان، حولەريك. تەرىنىڭ تىم اق بولۋى - قانى از. تامىرلاردىڭ ىسىڭكى بولۋى - ىشىمدىك ىشەتىن، بۇيرەگى اۋىراتىن ادامدار.

باس بارماعىن باسقا ساۋساقتارىنان بولەك ۇستايتىن ادامدار - كەمەلدىلىككە ۇمتىلاتىن، ەشكىمگە ۇقساعىسى كەلمەيىن جاندار. ساۋساعى كىشكەنتاي ادامدار - وتە سابىرلى جاندار.