09:29, 12 - قاراشا 2018 | GMT +5
پورتۋگاليادا «ەير استانا» ۇشاعىنان تەحنيكالىق اقاۋ تابىلدى
استانا. قازاقپارات - پورتۋگاليادا «ەير استانا» ۇشاعىندا تەحنيكالىق اقاۋ دابىلى قاعىلدى، دەپ حابارلايدى قازاقپارات ق ر ازاماتتىق اۆياتسيا كوميتەتىنە سىلتەمە جاساپ.
«2018-جىلى 11- قاراشادا «ەير استانا» اۋە كومپانياسىنىڭ ەمبراەر-190 ۇشاعى پورتۋگاليادا تەحنيكالىق قىزمەتتە بولدى جانە سىناقتىق ۇشۋدا تەحنيكالىق اقاۋ دابىلى ىسكە قوسىلدى. ەكيپاج پورتۋگاليانىڭ بەجا قالاسىنداعى اەرودرومعا قونۋعا ءماجبۇر بولدى»، - دەپ حابارلادى ق ر ازاماتتىق اۆياتسيا كوميتەتىنەن.
ۇشاق جەرگە ەش كەدەرگىسىز قوندى. ونىڭ بورتىندا ەكيپاج مۇشەلەرى عانا بولعان.