15:58, 09 - قاراشا 2018 | GMT +5
پوليتسيا الەۋمەتتىك جەلى ارقىلى جالعان اقپارات تاراتقانداردى ىزدەۋدە
استانا. قازاقپارات - پوليتسيا WhatsApp ارقىلى جالعان اقپارات تاراتقانداردى ىزدەپ جاتىر.
بۇل تۋرالى ق ر ءى ءى م رەسمي وكىلى الماس سادۋبايەۆ ايتتى، دەپ حابارلايدى قازاقپارات ءتىلشىسى.
ونىڭ ايتۋىنشا، WhatsApp ارقىلى بەلگىسىز ادامدار مەكتەپ وقۋشىلارى اراسىندا قۇرامىندا پسيحوتروپتى زاتتارى بار ساعىز تاراتىپ ءجۇر دەگەن اقپارات تاراعان. ال بۇل اقپارات شىندىققا جاناسپايدى.
«پوليتسيانىڭ ارنايى قىزمەتى ارانداتۋشىلىق مالىمەتتەردى قاساقانا تاراتقان تۇلعالاردى انىقتاۋ ءۇشىن قاجەتتى شارالاردى جۇرگىزىپ جاتىر. ولار مىندەتتى تۇردە قىلمىستىق جاۋاپكەرشىلىككە تارتىلاتىن بولادى»، - دەدى الماس سادۋبايەۆ.