ۇجىمدىق قاۋىپسىزدىك شارت ۇيىمى ۇجىمدىق قاۋىپسىزدىك كەڭەسىنىڭ سەسسياسى باستالدى
استانا. قازاقپارات - بۇگىن ەلوردادا ۇجىمدىق قاۋىپسىزدىك شارت ۇيىمى ۇجىمدىق قاۋىپسىزدىك كەڭەسىنىڭ سەسسياسى باستالدى.
سەسسيا جۇمىسىنا اتالعان ۇيىمعا مۇشە مەملەكەتتەردىڭ باسشىلارى قاتىسۋدا، دەپ حابارلايدى قازاقپارات ءتىلشىسى.
ق ر پرەزيدەنتى نۇرسۇلتان نازاربايەۆتىڭ توراعالىعىمەن ءوتىپ جاتقان وتىرىسقا رەسەي پرەزيدەنتى ۆلاديمير پۋتين، بەلارۋس پرەزيدەنتى الەكساندر لۋكاشەنكو، قىرعىز پرەزيدەنتى سوورونباي جەەنبەكوۆ ءتاجىستان پرەزيدەنتى ەمومالي راحمون جانە ارمەنيا پرەمەر-ءمينيسترىنىڭ مىندەتىن اتقارۋشى نيكول پاشينيان قاتىسىپ وتىر.
مەملەكەت باسشىلارى شاعىن قۇرامداعى وتىرىسىندا حالىقارالىق جانە وڭىرلىك قاۋىپسىزدىكتىڭ ءبىرقاتار وزەكتى ماسەلەسىن تالقىلاماق. ال كۇنتارتىبىندەگى وزگە دە وزەكتى ماسەلەلەر قارالاتىن جالپى وتىرىسقا ۇ ق ش ۇ- عا مۇشە مەملەكەتتەردىڭ سىرتقى ىستەر، قورعانىس مينيسترلەرى، قاۋىپسىزدىك كەڭەستەرىنىڭ حاتشىلارى جانە ۇيىم باس حاتشىسىنىڭ مىندەتىن اتقارۋشى ۆالەري سەمەريكوۆ قاتىسپاق.
ۇجىمدىق قاۋىپسىزدىك كەڭەسى سەسسياسى بارىسىندا ر ف ۇكىمەتى ءتوراعاسىنىڭ ورىنباسارى يۋري بوريسوۆتى ۇ ق ش ۇ اسكەري- ەكونوميكالىق ىنتىماقتاستىق جونىندەگى مەملەكەتارالىق كوميسسياسىنىڭ ءتوراعاسى قىزمەتىنە تاعايىنداۋ ماسەلەسى دە قارالادى.
ايتا كەتەرلىگى، قازىرگى ۋاقىتتا بۇل ۇيىمعا قازاقستان ءتوراعالىق ەتەدى. ال 2018-2019 -جىلدارى ءتوراعالىق ەتۋ مارتەبەسى قىرعىز رەسپۋبليكاسىنا بەرىلەدى.