10:40, 08 - قاراشا 2018 | GMT +5
گولوۆكيننىڭ بولاشاق قارسىلاستارى نەگە جەڭىلىپ قالا بەرەدى؟
استانا. قازاقپارات - تانىمال قازاقستاندىق بوكسشى گەننادي گولوۆكين (38-1-1، 34 ك و) كاسىبي مانسابىندا العاش رەت مەكسيكالىق ساۋل الۆارەستەن جەڭىلگەننەن كەيىن كەلەسى ايقاسىنا قارسىلاس ىزدەپ جاتىر، دەپ حابارلايدى Sports.kz.
وتانداسىمىزدىڭ بولاشاق قارسىلاستارىنىڭ اراسىندا جاپوندىق ريوتو مۋراتا مەن يرلاندىق گەري و'سالليۆان بار ەدى.
GGG كومانداسى قاراماعىنداعى بوكسشىعا ءالسىز قارسىلاس ىزدەپ ءجۇر مە؟ بۇل ساۋالىمىزعا ق ر كاسىبي بوكس فەدەراتسياسىنىڭ ۆيتسە-پرەزيدەنتى ۆيكتور دەميانەنكو جاۋاپ بەردى.
«بۇل ءالسىز قارسىلاس ىزدەپ جاتىر دەگەن ءسوز ەمەس. كوپ بوكسشى GGG- مەن جۇدىرىقتاسقىسى كەلمەيدى، سەبەبى ەشكىم جەڭىلۋدى قالامايدى. مۋراتا توكيوداعى ەل-جۇرتىنىڭ الدىندا ءوزىن كورسەتكىسى كەلدى، ءبىراق ول گولوۆكينگە لايىق قارسىلاس ەمەس. «كانەلو» دا، GGG دە قازىر لايىقتى قارسىلاس قاراستىرىپ جاتىر»، - دەپ ەسەپتەيدى مامان.