عالىمدار زەرتتەۋى: جالعىزدىق اقىل-ەستى كەمىتەدى

استانا. قازاقپارات - فلوريدا شتاتى ۋنيۆەرسيتەتىنىڭ قىزمەتكەرلەرى زەرتتەۋ جۇرگىزىپ، سونىڭ بارىسىندا ەگدە جاستاعى جالعىزدىق اقىل-ەستى كەمىتەتىندىگىن انىقتادى.

جوباعا 50 جاستان اسقان 12030 امەريكالىق قاتىستى، دەپ حابارلايدى Journals of Gerontology.

عالىمدار 12 مىڭنان استام وتانداسى تۋرالى مالىمەتتەردى تالداپ شىقتى. زەرتتەۋگە قاتىسۋشىلار ولاردان وزدەرىن جالعىز سانايتىنى نە سانامايتىنى جايىندا ايتىپ بەرۋىن سۇرادى.

بۇدان كەيىن ەگدە جاندار ءبىرقاتار تەست تاپسىرعان. ولار 10 جىل بويى جىلىنا ەكى رەتتەن تەست تاپسىردى. وسى ۋاقىتتىڭ ىشىندە 1104 ادامدا دەمەنسيا (اقىلسىزدىق) دامىعان.

زەرتتەۋشىلەر وتكىزىلگەن جۇمىستىڭ نەگىزىندە جالعىزباستى ادامداردىڭ بويىندا ەگدە جاستاعى اقىلسىزدىقتىڭ دامۋ ءقاۋپى ولاردىڭ ءناسىلى، جىنىسى، جاسى، سونداي-اق بىلىمىنە قاراماستان، ورتاشا العاندا 40 پايىزعا وسەتىنىن ايتىپ وتىر.