دەنى ساۋ بالا ومىرگە كەلۋ ءۇشىن جۇكتىلىكتىڭ اراسى قانشا ۋاقىت بولۋ كەرەك؟
بۇل تۋرالى 7mednews سايتىنا سىلتەمە جاساعان NUR. KZ حابارلايدى.
ايەل ادامداردى بالا دەنساۋلىعىنا نۇقسان كەلمەس ءۇشىن ءبىرىنشى جانە ەكىنشى جۇكتىلىكتىڭ اراسىندا قانشا ۋاقىت ءوتۋ كەرەك دەگەن سۇراق مازالايدى.
زەرتتەۋ ناتيجەسىندە بوسانۋ مەن كەلەسى بالا كوتەرۋدىڭ اراسى ءبىر جارىم جىل بولعانى ابزال ەكەنى انىقتالعان. وسى ۋاقىت ارالىعىندا انا دەنساۋلىعى تولىعىمەن قالپىنا كەلەدى ەكەن. ال كەلەسى جۇكتىلىك ەرتە بولعان جاعدايدا گەنەتيكالىق اۋىتقۋلار قاۋپى ارتىپ، جۇكتىلىك اۋىر وتەدى ەكەن.
عالىمدار مىڭ جارىم نارەستەنى زەرتتەگەن. ولاردىڭ جارتىسىنان كوبى اۋتيزممەن نەمەسە دامۋداعى اۋىتقۋلارعا شالدىققان.
زەرتتەۋ ناتيجەلەرىنە سايكەس ەكى جۇكتىلىكتىڭ ارالىعى نەعۇرلىم قىسقا بولسا، بالا جولداسىنىڭ اجىراۋى، مەرزىمىنەن بۇرىن بوسانۋ، سونىمەن قاتار نارەستەدە ءارتۇرلى اۋىتقۋلارعا شالدىعۋ مۇمكىندىگى ارتادى ەكەن.
تاعى ءبىر ەسكەرتەتىن جايت، ايەل ادامنىڭ جاسى ۇلعايعان سايىن ۇرىق پەن جۇكتىلىك پاتولوگياسى ارتا تۇسەدى ەكەن. سوندىقتان جۇكتىلىك اراسىنداعى ءبىر جارىم جىلدىق ءۇزىلىس 45 جاسقا دەيىنگى ايەلدەرگە قاتىستى مەرزىم. بۇل جاستان اسقان ايەلدەر ءۇشىن نەشىنشى جۇكتىلىك بولسا دا، اۋىتقۋلار مۇمكىندىگى ارتادى ەكەن.
