كەزەكتى جەڭىسىنەن كەيىن جانىبەك ءالىمحان ۇلىنىڭ رەيتينگى بىردەن جوعارىلادى
دەپ حابارلايدى قازاقپارات Sports.kz-كە سىلتەمە جاساپ.
ەسكە سالايىق، جانىبەك ءالىمحان ۇلى ا ق ش- تىڭ تەحاس شتاتىندا وتكەن بوكس كەشىندە امەريكالىق الەكساندەر ۆوندى (12-1، 8 ك و) تورەشىلەردىڭ شەشىمىمەن جەڭگەن بولاتىن. «جىرتقىش» لاقاپ اتىمەن بەلگىلى ا. ۆون 2004 -جىلدىڭ سوڭىندا رەكورد ورناتىپ، الەمدەگى ەڭ تانىمال سپورتشىلاردىڭ ءبىرى اتانعان ەدى. كەيىن ول قاراقشىلىق شابۋىلعا قاتىسقانى ءۇشىن تۇرمەگە ءتۇسىپ، تەمىر توردىڭ ار جاعىندا 11 جىلىن وتكىزدى. 2016 -جىلى رينگكە قايتا ورالدى.
ال كاسىبي سپورتتا ءتورتىنشى جەڭىسىنە قول جەتكىزگەن جانىبەك BoxRec.com سايتىنىڭ ەكىنشى ورتا سالماقتاعى رەيتينگىندە بىردەن 54 پوزيسياعا كوتەرىلدى. 109- ورىنعا ورنالاسقان بوكسشىنىڭ الدىندا قازاقستاندىقتار اراسىندا ايدوس ەربوسىن ۇلى (9-0، 7 ك و) عانا تۇر - 93- پوزيتسيا.
جانىبەك ءالىمحان ۇلىنىڭ بوكستاعى ءىسىن Top Rank تانىمال پروموۋتەرلىك كومپانيا جۇرگىزەدى. كومپانيا كليەنتتەرى اراسىندا ۆاسيلي لوماچەنكو (11-1، 9 ك و) مەن تەرەنس كروۋفورد (34-0، 25 ك و) بار.