10:54, 03 - قاراشا 2018 | GMT +5
قازاقستاندىق اۋىر اتلەتتەر الەم چەمپيوناتىندا العاشقى جۇلدەگە قول جەتكىزدى
استانا. قازاقپارات - قازاقستاندىق زىلتەمىرشى ارلي چونتەي اشحابادتا ءوتىپ جاتقان الەم چەمپيوناتىندا العاشقى ماراپاتقا يە بولدى. وتاندىق سپورتشى كۇمىس جۇلدە يەگەرى اتاندى دەپ حابارلايدى Olympic.kz.
سونداي- اق، چونتەي تۇركىمەنستان استاناسىندا تاقتايشاعا شىققان العاشقى سپورتشى بولدى. ول وتانىمىزدى 55 كەلىگە دەيىنگى سالماق دارەجەسىندە تانىستىردى.
«جۇلقا كوتەرۋدە» زىلتەمىرشى كىشى كۇمىس جۇلدەگە يە بولدى. بۇل كەزەڭدە ول 120 كەلىنى باعىندىرسا، سەرپە كوتەرۋدە 138 كەلىنى كوتەردى.
ەكى كەزەڭ قورىتىندىسى بويىنشا قازاقستاندىق 258 كەلى زىلتەمىردى يگەرىپ، ەكىنشى ورىندى يەلەندى.
چونتەيدىڭ مەدالى - وسى الەم چەمپيوناتىندا قازاقستان قورجىنىنا تۇسكەن العاشقى جۇلدە. بۇل سايىستا 2012 -جىلعى وليمپيادا چەمپيونى، كورەيالىق وم يۋن چحول جەڭىسكە جەتتى. جالپى ەسەپتە ول 282 كەلىنى كوتەردى.