استانادا تالانتتى جاستار فەستيۆالى باستالدى
بايقاۋ ارنايى ورتا ءبىلىم بەرەتىن وقۋ ورىندارى ستۋدەنتتەرىنىڭ اراسىندا دارىندى جاستاردى انىقتاپ، قولداۋعا باعىتتالعان.
جاستار فەستيۆال- بايقاۋى 8 كۇنگە جالعاسادى. فەستيۆالدىڭ سالتاناتتى اشىلۋىنا بەيبىت قۇشقاليەۆ، اكىمحان ماجەنوۆ، بي ونەرىنەن الەم جانە ەۋروپا چەمپيوندارى «بوموند» ءانسامبلى جانە باسقا دا ەسترادا جۇلدىزدارى قاتىستى.
«شارانىڭ باستى ماقساتى - اتى ايتىپ تۇرعانداي جاستاردى جاڭا بەلەستەرگە جەتۋگە مۇمكىندىك بەرۋ، جەتەلەۋ. فەستيۆالدە ءوز ونەرلەرىن كورسەتىپ قانا قويماي، جاستاردىڭ ءبىر- بىرىمەن تانىسۋ، زامانداستارىمەن يدەيا الماسۋ مۇمكىندىگى قاراستىرىلعان. تاعى ءبىر ەرەكشەلىگى، بۇل تەك كوللەدج ستۋدەنتتەرىنىڭ اراسىندا وتۋدە. ءبىر اپتا بويى 35 كوللەدجدىڭ ستۋدەنتتەرى 5 باعىت بويىنشا ءوز ونەرلەرىن ورتاعا سالادى. بۇدان بولەك بىزدە ا-35 جوباسى بار، ونىڭ اياسىندا 35 كوللەدج ستۋدەنتتەرىنە ارنالعان ءتۇرلى باعىتتاعى شارالار ۇيىمداستىرىلادى»، - دەدى استانا جاستارى م م ۇيىمداستىرۋ ءبولىمىنىڭ باسشىسى ايان ەرمەنتايەۆ.
10 - قاراشاعا دەيىن بولاتىن فەستيۆال: «مانەرلەپ وقۋ» ، «ۆوكال ونەرى» ، «بي ونەرى» ، «ەڭ اقىلدى» ، "فوتوبايقاۋ" سىندى نوميناتسيالار بويىنشا وتۋدە.