جەلتوقساندا قازاقستاندىقتار قانشا كۇن دەمالادى؟

استانا. قازاقپارات - قازاقستاندىقتار قىستىڭ ءبىرىنشى ايىندا ءۇش مەيرامدى اتاپ وتەدى. سونىڭ ەسەبىنەن ازاماتتار 13 كۇن دەمالادى دەپ حابارلايدى NUR. KZ.

جەلتوقسان ايىنداعى مەرەكە كۇندەرى زاڭدى دەمالىس كۇندەرىمەن سايكەس كەلەدى.

1- جەلتوقساندا قازاقستاندىقتار تۇڭعىش پرەزيدەنت كۇنىن تويلايدى. مەرەكە سەنبى كۇنىنە ءتۇسىپ تۇرعاندىقتان، ەل تۇرعىندارى دۇيسەنبى، 3- جەلتوقسان كۇنى دەمالادى.

سونىمەن بۇل مەيرامدا ەل تۇرعىندارىن قاتارىنان ءۇش كۇن ياعني 1، 2- جانە 3- جەلتوقسان دەمالىس كۇندەرى كۇتىپ تۇر.

وعان قوسا تاۋەلسىزدىك كۇنىندە تاعى ءتورت كۇندىك دەمالىس بەرىلمەك. 16 جەلوقسان جەكسەنبىگە تۋرا كەلگەندىكتەن، مەرەكەلىك دەمالىستار 15-18- جەلتوقسان ارالىعىنا جىلجىتىلعان.

بۇل جىلى 31- جەلتوقسان دۇيسەنبىگە سايكەس كەلەدى. وسىعان وراي، دۇيسەنبىدەگى جۇمىس كۇنى 29- جەلتوقسان سەنبى كۇنگە اۋىستىرلادى. ياعني ايدىڭ سوڭعى اپتاسى التى كۇندىك جۇمىس كۇنىمەن اياقتالماق.