استانا مەن الماتىدا «بيزنەستى قۇتقارۋ قىزمەتى» ىسكە قوسىلدى
ەكى اپتادان سوڭ جەدەل قىزمەت الماتى قالاسىندا ءوز جۇمىسىن باستادى. ياعني، بيزنەسكە قاتىستى داۋلار نەمەسە مەملەكەتتىك ورگاندار تاراپىنان جوسپاردان تىس تەكسەرۋلەر، بيزنەستى جۇرگىزۋگە كەدەرگى كەلتىرگەن باسقا دا فاكتورلار ورىن السا، «بيزنەستى قۇتقارۋ قىزمەتى» كومەك بەرۋگە دايىن. 1432 نومىرىنە قوڭىراۋ سوعىپ، كاسىپكەرلەر جەدەل كەڭەس الۋ عانا ەمەس، ماسەلەنى رەتتەۋ ءۇشىن بەلگىلەنگەن نىسانعا ءموبيلدى توپتى شاقىرا الادى. بيزنەسكە ارنالعان جاڭا قىزمەت كومەگىنە العاش جۇگىنگەن كاسىپكەرلەر بار.
8 - قازان كۇنى كەشكى ۋاقىتتا ساۋدا نىسانىنا جەدەل كومەك قىزمەتى اتتاندى، كاسىپكەر پوليتسەيلەردىڭ ءىس- ارەكەتىنە شاعىمداندى. «اتامەكەن» ۇ ك پ «بيزنەستى قۇتقارۋ قىزمەتى» پيلوتتىق جوباسى اياسىندا 1432 ءنومىرى بويىنشا بايلانىس ورتالىعىنا «دوبرىي پۋت» ج ش س ديرەكتورى مەرۋەرت قابىلبايەۆا قوڭىراۋ سوعىپ، قۇقىق قورعاۋ ورگاندارى قىزمەتكەرلەرىنىڭ ارەكەتتەرىنە شاعىمداندى. وقيعا ورنىنا كەلگەن كەزدە ۋچاسكەلىك پوليتسيا قىزمەتكەرى زاڭسىز ساۋدا جاساۋ فاكتىسىن انىقتاپ، اكىمشىلىك قۇقىق بۇزۋشىلىق تۋرالى حاتتاما تولتىرعان ەكەن. زاڭ بۇزۋشىلىق فاكتىسى رەتىندە كاسىپكەردىڭ شىعارىلاتىن شاتىر ورناتىپ، پاۆيلوننان تىس، ىرگەلەس اۋماقتا ساۋدا جاساعانى تىركەلگەن. «بۇل قۇقىق قورعاۋ ورگاندارىنىڭ ءتورتىنشى رەت كەلۋى. بۇگىن ايىپپۇل سالىندى، سەبەبى كوشەدە زاڭسىز ساۋدا جاساپ جاتىرمىز. ءبىراق ءبىز وسى قادامعا بارۋعا ءماجبۇرمىز.
بىزگە «Astana ا ك ك» ۇ ك اق بەرگەن ورىن تار، تەك 9 شارشى مەتر، بارلىق ءونىمدى وسى جەرگە ورنالاستىرا المايمىز، سەبەبى ساقتاۋ جانە ساتۋ جانە شىعىنداردى وتەۋ قاجەت. مۇندا ءۇشىنشى اي جۇمىس ىستەيمىز. وسى ۋاقىت ىشىندە ءبىزدى ءارتۇرلى سيپاتتاعى پروبلەمالارمەن بەتپە- بەت كەلدىك. ءبىر اي بۇرىن دۇڭگىرشەگىمىزدى توناپ، 35 مىڭ تەڭگەنىڭ تاۋارى قولدى بولدى، 15 مىڭ تەڭگە اقشام جوعالدى. ءبىراق قىلمىس ءالى كۇنگە دەيىن اشىلعان جوق! الايدا ايىپپۇل سالۋ كەرەك بولسا پوليتسەيلەر ەلدەن بۇرىن كەلەدى. سوندىقتان دا «بيزنەستى قۇتقارۋ قىزمەتىنە» قوڭىراۋ سوعۋعا ءماجبۇر بولدىم»، - دەيدى «دوبرىي پۋت» ج ش س ديرەكتورى مەرۋەرت قابىلبايەۆا.
الماتى اۋدانى ءى ءى ب ج پ ق ۋچاسكەلىك پوليتسيا ينسپەكتورى، مايور جاندوس تاجيەۆ حابارلاعانداي، ساۋدا نىسانىنىڭ ساتۋشىسىنا بۇرىن جازباشا ەسكەرتۋ جاسالعان. ءبىراق ءبىر ايدان كەيىن زاڭ بۇزۋشىلىق قايتالانىپ، وسىعان بايلانىستى اكىمشىلىك حاتتاما تولتىرىلعان. «ءبىز كاسىپكەرگە قازىر زاڭ بويىنشا ايىپپۇلدى %50 جەڭىلدىكپەن تولەۋ مۇمكىندىگى بار ەكەنىن تۇسىندىردىك. سونداي- اق، كاسىپكەرگە قولدانىستاعى شارت اياسىندا، ياعني ساۋدا ءۇشىن بەلگىلەنگەن الاڭدا جۇمىس ىستەۋ قاجەتتىگىن تۇسىندىردىك. الايدا، «كوشەدەگى 1000 ساۋدا ورنى» باعدارلاماسى اياسىندا ۇسىنىلاتىن ساۋدا پاۆيلوندارىنىڭ شاعىندىعى سياقتى پروبلەمامەن العاش رەت كەزدەسىپ وتىرعان جوقپىز. بۇل ماسەلەنى «Astana» ا ك ك» ۇ ك ا ق- پەن بىرلەسىپ شەشەمىز»، - دەدى استانا قالاسى كاسىپكەرلەر پالاتاسىنىڭ ساراپشىسى گۇلميرا مولداعاليەۆا.
ال الماتى قالاسىنداعى جەدەل توپتىڭ ءبىرىنشى شاقىرتۋى 25 - قازان كۇنى بولدى. ويىنشىقتار دۇكەنىنىڭ يەسى ازامات ابدراحمانوۆ («Kinderstore Almaty» ج ش س) الماتى قالالىق سانيتاريالىق- ەپيدەميولوگيالىق قاداعالاۋ باسقارماسى قىزمەتكەرلەرى جوسپاردان تىس تەكسەرۋمەن كەلگەنىنە شاعىمداندى. كاسىپكەردىڭ ايتۋىنشا، سانيتاريالىق- ەپيدەميولوگيالىق قاداعالاۋ قىزمەتىنىڭ وكىلىمىن دەپ تانىستىرعان ەر ادام ودان قۇقىق بەلگىلەۋشى قۇجاتتاردى تالاپ ەتكەن. وسى رەتتە تەكسەرۋشى ءوزىن وكىلەتتى تۇلعا ەكەنىن راستايتىن قۇجاتتاردى (قىزمەت كۋالىگى نەمەسە تەكسەرۋ تاعايىندالعانى تۋرالى ا ك ت) كورسەتپەگەن. كاسىپكەردەن قاجەتتى جاۋاپتى الماعان مەملەكەتتىك ورگان قىزمەتكەرى تەكسەرۋمەن تاعى كەلەتىنىن ەسكەرتتى. كاسىپكەرلەردىڭ قۇقىقتارى بۇزىلعانى تۋرالى فاكتىنى راستاۋ جانە ورىن العان جاعدايعا ەگجەي- تەگجەيلى تالداۋ جۇرگىزۋ، پسيحولوگيالىق جانە زاڭگەرلىك كومەك بەرۋ، بيزنەسكە قاتىستى زاڭسىز سانكتسيالاردى توقتاتۋ ماقساتىندا الماتى قالاسى كاسىپكەرلەر پالاتاسىنىڭ جەدەل توبى ساۋدا نۇكتەسىنە جىلدام جەتتى.
«Kinderstor» دۇكەنى قىزمەتكەرلەرىنە ءتۇسىندىرۋ جۇمىسى جۇرگىزىلىپ، «Qamqor» ءموبيلدى قوسىمشا تۋرالى اقپاراتتىق ماتەريال بەرىلدى. موبيلدىك توپتىڭ قۇرامىندا - «اتامەكەن» ق ر ۇ ك پ، پروكۋراتۋرا، سىبايلاس جەمقورلىققا قارسى ورگاندار، ءى ءى د جانە توتەنشە جاعدايلار دەپارتامەنتى قىزمەتكەرلەرى بار. «بيزنەستى قۇتقارۋ قىزمەتى» كۇن سايىن 9 دان 22 گە دەيىن قوعامدىق تاماقتانۋ، قىزمەت كورسەتۋ (شاشتاراز، ءدارىحانالار، تۋراگەنتتىكتەر، كيىم تىگۋ جانە جوندەۋ)، جەتكىزۋ (تاماق جەتكىزۋ، ساۋدا) سالاسىنداعى كاسىپكەرلەر، سونداي- اق جوندەۋ جانە مونتاجداۋ جۇمىستارىنىڭ كەز كەلگەن تۇرلەرىن جۇزەگە اسىراتىن، ءۇي شارۋاشىلىعىن جۇرگىزۋمەن اينالىساتىن كاسىپكەرلەر ءۇشىن جۇمىس ىستەيدى.
Massaget.kz