قاراشادا اۋا رايى قانداي بولادى

استانا. قازاقپارات - «قازگيدرومەت» ر م ك الدىن الا بولجامى بويىنشا، قاراشادا سينوپتيكالىق پروتسەستەر ءجيى اۋىسىپ، اۋا رايى قۇبىلمالى بولادى.

 ايازدى جانە جىلى كۇن رايى الما- كەزەك اۋىسىپ، جاۋىن- شاشىن، كوكتايعاق بولادى جانە ەكپىندى جەل سوعىپ، تۇندە جانە تاڭەرتەڭ تۇمان تۇسەدى، دەپ حابارلايدى قازاقپارات.

«ءبىرىنشى ونكۇندىكتىڭ ورتاسىندا جانە سوڭىندا قاتتى سۋىق سەزىلەدى. تەرمومەتردىڭ باعاناسى ەلدىڭ سولتۇستىك جارتىسىندا تۇندە مينۋس 5...15 گرادۋس، كۇندىز مينۋس 0...8 گرادۋستى كورسەتەدى. وڭتۇستىك جارتىسىندا تۇندە 0...7 گرادۋس سۋىق، كۇندىز 0. .5 گرادۋس جىلى بولادى. ايدىڭ اياعىندا بۇدان دا قاتتى سۋىق بولادى. ناتيجەسىندە ايداعى ورتاشا اۋا تەمپەراتۋراسى كليماتتىق نورماعا جۋىق بولۋى ىقتيمال، تەك پاۆلودار جانە شىعىس قازاقستان وبلىستارىندا نورمادان 1 گرادۋسقا تومەن بولادى»، - دەلىنگەن سينوپتيكتەردىڭ حابارلاماسىندا.

«قازگيدرومەت» ر م ك اقپاراتى بويىنشا، ايلىق جاۋىن- شاشىن مولشەرى قىزىلوردا، وڭتۇستىك قازاقستان، جامبىل وبلىستارىنىڭ سولتۇستىك جارتىسىندا نورمادان از بولسا، سولتۇستىك قازاقستان، اقمولا، پاۆلودار وبلىستارىندا، قوستاناي وبلىسىنىڭ سولتۇستىگىندە، شىعىس قازاقستان وبلىسىنىڭ كەي جەرلەرىندە، الماتى، جامبىل جانە وڭتۇستىك قازاقستان وبلىستارىنىڭ تاۋلى جانە تاۋ بوكتەرى اۋماقتارىندا مولشەردەن كوپ بولۋى مۇمكىن.