پسيحولوگ ادام كورەتىن تۇستەردىڭ ماعىناسىن ايتىپ بەردى

 استانا. قازاقپارات - ادام نەگە ءبىر ءتۇستى قايتالاپ كورەدى؟ نە سەبەپتى قورقىنىشتى نە ۇرەيلى تۇستەر كورەدى. بۇل جايلى اۆستراليالىق پسيحولوگ مارتينا كوتسيان جاۋاپ بەردى.

ادامدار تۇسىندە بيىكتەن قۇلاپ، بىرەۋدەن قاشىپ، الدەكىممەن توسەك قاتىناسىنا ءتۇسىپ نەمەسە ءتىسى ءتۇسىپ قالعانىن ايتىپ جاتادى. مارتينا كوتسيان تۇسىندە ءتىسى ءتۇسىپ قالعان ادامنىڭ بارلىق ۋايىمى سەيىلىپ، ءبىر ىزگە تۇسەدى دەگەن بولجامدى ايتادى. ايتۋىنشا، ەگەر تۇسىڭىزدە ادام ءولىمىن كورسەڭىز، ومىرىڭىزدە ءبىر وزگەرىس بولادى.

تۇسىندە الدەكىمنەن قاشۋ ادامنىڭ ومىردە قانداي دا ءبىر ماسەلەدەن قاشىپ جۇرگەنىڭىزدىڭ بەلگىسى. ياعني، كىنالى ادامدار وسىنداي ءتۇس ءجيى كورەدى.

 تۇسىندە جوعارىدان قۇلاۋ -  ادامنىڭ تۇراقسىزدىعىن بىلدىرەدى. تۇسىندە وزگەمەن توسەك قاتىناسىنا ءتۇسۋ -  سول ادامنىڭ جاقسى قاسيەتىن وزىنە الۋدى قالاعانى.

ادام تۇسىندە شايتاني قۇبىجىقتاردى كورىپ شوشىسا، ومىردە ءوز بويىنداعى قاسيەتىن بايقاماي جۇرگەنى. ەگەر سىرتقا شىعا الماي قامالىپ قالساڭىز، ومىردە دە وسىندا شىرماۋعا تۇسكەن جانسىز.

پسيحولوگ ماماننىڭ ايتۋىنشا، ءتۇس كورۋ ادامنىڭ پسيحيكاسى مەن دەنساۋلىعىنا تىكەلەي بايلانىستى بولعاندىقتان، كۇيزەلىستەن ارىلۋىنا، كوڭىل كۇيدىڭ رەتتەلۋىنە وڭ اسەر ەتەدى.

Stan.kz