قاراشانىڭ العاشقى كۇندەرىنەن باستاپ كۇن سۋىتادى

استانا. قازاقپارات - قاراشانىڭ العاشقى كۇندەرىنەن باستاپ قازاقستاندا كۇن سۋىتا تۇسەدى، دەپ حابارلايدى قازاقپارات قازگيدرومەتكە سىلتەمە جاساپ.

الداعى ەكى كۇندە سولتۇستىك جانە ورتالىق وبلىستار جاۋىن-شاشىندى بولدى. اۋا تەمپەراتۋراسى تومەندەپ، سۋىق اۋا اعىندارى وڭتۇستىك، وڭتۇستىك- شىعىس جانە شىعىس وبلىستارعا دا اسەر ەتەدى. اتالعان وڭىرلەردە نەگىزىنەن قار جاۋادى، تاۋلى اۋدانداردا قار بوراپ، تۇمان ءتۇسۋى مۇمكىن، اۋا تەمپەراتۋراسى تومەندەپ، كوكتايعاق بولادى.

رەسپۋبليكانىڭ سولتۇستىك جارتىسىنا الدىمەن جىلى، ارتىنان بارەنتس تەڭىزىنەن اركتيكالىق سۋىق اۋا اعىندارى كەلەدى.

تەك، رەسپۋبليكانىڭ باتىس وبلىستارى عانا انتيتسيكلوننىڭ ىقپالىندا بولادى. بۇل وڭىرلەردە جاۋىن-شاشىن بولمايدى، اۋا تەمپەراتۋراسى ازداپ كوتەرىلۋى مۇمكىن.