ايەلدەرىن الداپ جۇرگەن ەركەكتەردىڭ شىنايى وقيعالارى
ايتسە دە، نازىك جاندىلار قاۋىمى بەرىلمەي، سانسىز جىلدار بويى بۇگىنگى كۇنگە دەيىن وپاسىزدىققا نە تۇرتكى بولاتىنىن انىقتاۋعا تىرىسادى. Stan.kz اقپاراتتىق اگەنتتىگى Comode.kz باسىلىمى جۇرگىزگەن زەرتتەۋگە سىلتەمە جاساپ، نازارلارىڭىزعا ەر ادامداردىڭ وپاسىزدىق تۋرالى شىنايى وقيعالارىن ۇسىنادى.
ءانونيمدى تۇردە جاسالعان ساۋالناماعا ەر ادامدار قاتىسۋدان باس تارتسا دا، كەيبىر ازاماتتار ۇيىندە اسىل جارى، بالا- شاعاسى بولا تۇرا نەلىكتەن باسقا ايەلگە باراتىندارىن ايتىپ بەردى.
«مەن جاقىندا عانا ەكىنشى رەت ۇيلەندىم جانە ومىرىمدە باسقا ايەلگە ەندىگارى قاراماسپىن دەپ ويلادىم. ءبىراق ادام جاي عانا بولجايدى، ءبارىبىر قۇدايدىڭ قالاعانى بولادى.
ءاردايىم بىرەۋدى تەز جاقسى كورىپ قالاتىنمىن. ەشقاشان توقتامايتىنمىن. ال مەنىڭ ءبىرىنشى ايەلىم ءۇيدىڭ ادامى ەدى، ۇندەمەي جۇرە بەرەتىن. ماعان كوڭىلدەس ايەلدەر جازاتىن، تەلەفونمەن حابارلاساتىن. ايەلىمە ءبارىبىر ەدى. ول تەك كوپ بالا تۋىپ، تاماق ءپىسىرىپ، وتباسىنىڭ ۇيىتقىسى بولىپ وتىرۋدى قالايتىن. سوندىقتان مەن مارينانى، ياعني كوڭىلدەسىمدى كەزدەستىرگەندە ەسىمنەن الجاسىپ قالا جازدادىم. ول ءمىنسىز، تارتىمدى، جەڭسىكقۇمار ايەل. ماعان ول نازىكتىگىمەن كەرەمەت دۇنيەلەردى جاساۋعا ۋادە بەردى.
مەن ەكىنشى بالامىزدى كۇتىپ جۇرگەن ايەلىممەن اجىراسىپ، ماريناعا ۇيلەندىم...ءبىر جارىم جىل بىرگە تۇردىق. قازىر كەشتەردە مەن وزىمە قىزداردى ىزدەيمىن. نەلىكتەن؟ سەبەبى، مەنىڭ ءمىنسىز مارينام نەكە جۇزىگىن ساۋساعىنا تاقپاي جاتىپ، شۋ شىعارۋدان باسقا ەشنارسە بىلمەيتىن قانشىققا اينالىپ كەتتى. جۇمىسىنان شىقتى، باسىما ءمىنىپ الىپ، ءار باسقان قادامىمدى اڭدىپ وتىردى. بىرنارسە ۇناماعان سايىن ايقايعا سالاتىن. ال كەزدەيسوق كەزدەسكەن قىزدارمەن بىرگە جۇرگەن جەڭىل ءارى وڭاي. ەشكىم ميىڭدى جەمەيدى. نەگىزى، جاسىرىپ قايتەيىن، ءبىرىنشى ايەلىمنىڭ جانىندا ءوزىمدى كەرەمەت سەزىنەتىنمىن. بالالارىمدى تاستاپ، اجىراسقانىما وكىنەمىن، »- دەيدى ول.
كوڭىلدەسىمەن ۋاقىتتى كوڭىلدى وتكىزگەندى ۇناتاتىن قازاقستاندىق دياس، كەيدە ەكى ايەل الۋ قالىپتى جاعداي سانالاتىن ەلدە دۇنيەگە كەلمەگەنىنە وكىنەدى.
«ەر ادامنىڭ ەكى ايەلى بولۋى كەرەك دەپ سانايمىن. ەكى ايەلمەن بىرگە تۇرۋ قالىپتى جاعداي سانالاتىن ەلدە دۇنيەگە كەلمەگەنىم ءۇشىن ءجيى وكىنەمىن. ءقازىر مەنىڭ جارىم ءۇي شارۋاسىمەن اينالىساتىن ايەل سياقتى: تاماق ىستەيدى، ءۇي جينايدى، بالا تاربيەلەيدى. وعان ايقايلاپ، ۇرىسا دا الامىن. ال كوڭىلدەس ايەل - جانىمنىڭ راحاتى ءۇشىن. ەكى جىل بولىپ قالدى، بىرنەشە اپتادا وعان ءبىر رەت بارىپ تۇرامىن. ەكەۋمىز ۋاقىتتى كوڭىلدى وتكىزەمىز! ول مەنى قاتتى ساعىنادى، كەزدەسكەندە مەنى كورگەنىنە قاتتى قۋانادى. سونىمەن قاتار، ول ادەمى، بەلسەندى، تارتىمدى ادام. ايەلىم بولسا، ءۇش رەت بالا بوسانعان سوڭ، دەنە بىتىمىندە رەتكە كەلتىرە المايدى. ءوزىن- ءوزى دامىتۋ تۋرالى اڭگىمە قايدان بولسىن؟ ! كەيدە ايەلىمنىڭ ەمەس، كوڭىلدەسىمنىڭ الدىندا قىسىلامىن. ەگەر مۇمكىندىگىم بولسا، وعان دا ۇيلەنەر ەدىم»، - دەيدى 30 جاستاعى مەنەدجەر دياس.
وپاسىزدىق پەن ساتقىندىقتىڭ ايىرماشىلىعىن تۇسىنەتىن كاسىپكەر ۋاقىتشا كوڭىلدەستەرى بار ەكەنىن مويىندادى. سونىمەن قاتار، ول ايەلىنىڭ كوزىنە ەشقاشان ءشوپ سالمايتىنىن، ونداي ساتقىندىققا بارمايتىنىن ءسوز ەتتى.
«مەن باسقا ايەلمەن توسەكتەس بولۋدى كوزگە ءشوپ سالۋ دەپ ەسەپتەمەيمىن. سەبەبى، وپاسىزدىق جاساۋ - وتانىڭدى ساتىپ كەتۋمەن بىردەي. ال مەن ايەلىمدى ساتقان جوقپىن. دوسىم دا، جولداسىم دا، باۋىرىم دا - مەنىڭ ايەلىم. ءبىز ەكەۋمىز اسكەردەن كەلگەلى بەرى بىرگەمىز. ول سول ۋاقىتتا پەدۋچيليشەنى بىتىرگەن. بىرگە وتقا دا، سۋعا دا تۇستىك. بۇل ومىردەگى بارلىق جاماندىقتان وتتىك.
ءاردايىم كوڭىلدەستەرىم بولدى. اسىرەسە، بايىپ، كىرىس پەن شىعىستى باقىلاي المايتىن ساتتەردە ولار بار ەدى. مەن دوستارىممەن بىرگە تۇنىمەن مونشالاردا جۇرەتىنمىن. ارينە، ول جەردە بويجەتكەندەر جۇرەدى.
كەز كەلگەن ءىسساپاردا مەنىڭ جەرگىلىكتى ايەلىم بولدى. بىرەۋ ەمەس، ودان دا كوپ. ءارتۇرلى ايەلدەرمەن كەزدەسكەن ۇنايتىن. ءبىراق تۇراقتى كوڭىلدەس ايەلدى، قازىرگى تىلمەن ايتقاندا توقال الۋدى ەشقاشان ويلاعان ەمەسپىن! مەن ءوز ايەلىمدى ەشقاشان ساتپايمىن. وعان جۇرىستەرىمنىڭ بىردە بىرەۋىن بىلدىرتپەيمىن. سەبەبى، ونى قۇرمەتتەيمىن. ءبىراق ءومىر بويى ونىمەن بىرگە توسەكتەس بولۋ ماعان قيىن»، - دەيدى نۇرلان ەسىمدى وتانداسىمىز.
Stan.kz