ەر ادامداردىڭ قانداي ايەلدەردى تاستاپ كەتپەيتىنى بەلگىلى بولدى

 استانا. قازاقپارات - ەر ادامنىڭ ارمانىنداعى ايەل اتانۋ وڭاي دۇنيە ەمەس. ويتكەنى، قالاعان ازاماتتى وزىنە عاشىق ەتۋ ءبىر بولەك، ونىڭ ءوزىڭدى تاستاپ كەتپەسى ءۇشىن ءبىراز تەر توگۋ كەرەك.

بۇل تۇرعىدا ەرلەردىڭ اسقان سىيلاسىمدىعىنا بولەنۋ ءۇشىن قىز-كەلىنشەكتەردىڭ بويىندا ەرەكشە قاسيەتتىڭ بولۋى ماڭىزدى دەپ جازادى segodnya.ua سايتى.

الەمدىك پسيحولوگ مامانداردىڭ مالىمدەۋىنشە، ەر ادامنىڭ سۇيىكتىسىن تاستاپ كەتپەسى ءۇشىن ارۋ اسا ماڭىزدى التى قاسيەتكە يە بولۋ كەرەك.

1. ءوزىن-ءوزى سىيلاۋ. مۇنداي قاسيەتكە يە ايەلدەر ەشقاشاندا ءوزىن كەمسىتەتىن ازاماتتارعا جولامايدى. ولار وزدەرىنە نە جانە قانداي ادام كەرەكتىگىن جاقسى بىلەدى. سول سەبەپتى ولار ەر ازاماتتار الدىندا اسا وزىنە سەنىمدى بولىپ كورەنەدى.

2. ۇنەمى دامۋ مەن ىزدەنىس ۇستىندە. ايەلدەردىڭ بۇل تۇرىمەن ءىش پىسپايتىنى انىق. مۇنداي ارۋلار ءاردايىم دۇرىس جاۋاپ تاۋىپ، كەز كەلگەن اڭگىمەگە ىلەسىپ كەتەدى. ولار وزدەرىمەن قوسا سۇيىكتىسىنىڭ دە دامۋىنا ايتارلىقتاي ۇلەس قوسادى.

3. ءوزىن-ءوزىن كۇتۋ. وزىنە كۇتىم جاساپ، ءاربىر كيىمىنىڭ وبرازىنا دەيىن قاتتى ءمان بەرەتىن قىزدار ەر ادامداردىڭ كوڭىلىنەن شىعاتىنى ءسوزسىز. مۇنداي ارۋلار ءوز تارتىمدىلىعىنىڭ ارقاسىندا سۇيىكتىسىنىڭ جۇرەگىن بىردەن باۋراپ الادى.

4. ءوز پىكىرىن ءبىلدىرۋ. ازاماتتار ءۇشىن ايەلدىڭ پىكىرى قاشاندا ماڭىزدى. الايدا، ءوزىنىڭ ايتقانىمەن ۇنەمى كەلىسە بەرەتىن كەلىنشەكتەر ەرلەرگە ۇناماي جاتاتىن كەزدەر ءجيى كەزدەسەدى. ولار ءۇشىن كەرىسىنشە، بىرەۋگە تاۋەلدى بولماي، ءوز پىكىرىن ايتا بىلەتىن ارۋلار قىزىقتىرىپ جاتادى.

5. قاناعاتشىل. ەر ادام ءوزى جاساعان سىي-سىياپاتتار مەن ءتۇرلى يگى ىستەرى ءۇشىن العىس العاندى جاقسى كورەدى. ولار ءۇشىن سۇيىكتىسىنىڭ «اكەل»، «اپەر» دەگەنى ەمەس، ءوزىنىڭ جاقسى قارىم-قاتىناسى ارقىلى ەرلىككە جەتەلەيتىن قاسيەتى ماڭىزدى.

6. كەشىرىمدى. ۇساق تۇيەك دۇنيەلەرگە بولا ۇرىس شىعارمايتىن ارۋلار كەز كەلگەن ازامات ءۇشىن ارمان بولسا كەرەك. تۇيمەدەي نارسەنى تۇيەدەي جاسامايتىن سىلقىمدار بۇگىندە جوقتىڭ قاسى. سول سەبەپتى، ازاماتتار ءۇشىن سۇيىكتىسىنىڭ تۇسىنىگى مول ءارى كەشىرىمدى بولعانى اسا ماڭىزدى شارت.