22:56, 29 - قازان 2018 | GMT +5
قار ارالاس جاڭبىر مەن كوكتايعاق: الداعى ءۇش كۇندە ەلىمىزدە كۇن سۋىتادى
استانا. قازاقپارات - مەتەورولوگ ماماندار 30- قازان مەن 1- قاراشا ارالاعىنداعى ءۇش كۇنگە ارنالعان اۋا رايى بولجامىن ۇسىندى دەپ حابارلايدى ر م ك «قازگيدرومەتكە» سىلتەمە جاساپ.
سينوپتيكتەر بولجامىنشا، ەلىمىزدىڭ باسىم بولىگىندە سوڭعى كۇندەرى جىلى تەمپەراتۋرا ساقتالعان.
الايدا رەسەيدىڭ ورتالىعىنان قازاقستاننىڭ سولتۇستىك ايماعىنا تسيكلون جىلجىپ، جاۋىن-شاشىندى كۇندەر باستالادى.
ەندى اۋا رايى شىعىس وڭىردە دە سۋىتىپ، قار ارالاس جاڭبىر سالدارىنان كوكتايعاق پەن قاتتى جەل تۇرۋى مۇمكىن.
رەسپۋبليكانىڭ وڭتۇستىك-شىعىسىندا جاۋعان جاڭبىر سوڭى قارعا ۇلاسادى دەپ كۇتىلۋدە. ال تاۋلى ايماقتاردا جاۋىن قاتتى بولادى دەيدى ماماندار.
سونداي-اق، مەتەورولوگيالىق قىزمەت ەلىمىزدىڭ بارلىق ايماعىندا كۇن سۋىتاتىنىن ەسكەرتىپ وتىر.
