جىگىتىڭىزدى جاقسى تانيسىز با؟

 استانا. قازاقپارات - جاڭا قاتىناستى باستاعاندا وتباسىلىق ءومىر تەك سەرۋەندەردەن، بىرگە بىردەڭە ساتىپ الۋلاردان، بىرگە تاماقتانۋدان جانە جەتىستىكتەردەن عانا تۇرمايتىندىعىن، ول ءوزارا تەرەڭ تۇسىنۋشىلىكتى قاجەت ەتەتىن ءتۇسىنۋ كەرەك.

ءبىراق، جاڭا قاتىناستىڭ قىزىعىنا ەرىپ، كەيدە جىگىتىڭىزدىڭ شىنايى بولمىسىن كورمەۋىڭىز مۇمكىن. ونى دۇرىس تانىمايتىندىعىڭىزدى كورسەتەتىن 10 بەلگىنى ۇسىنامىز.

1. ول ءسىزدى ەڭ جاقىن دوستارىمەن تانىستىرمايدى

ادام دوستى قىزىعۋشىلىعى مەن ىشكى قاعيدالارىنا قاراي ءوزى تاڭدايدى. كەيدە ادامدى اينالاسىنداعى جاقىن دوستارىنا قاراپ تانۋعا بولادى. ەگەر جىگىتىڭىز ءسىزدى جاقىن دوستارىمەن قاتىناسىڭىزدىڭ باستاپقى 6 ايىندا تانىستىرماسا، ونىڭ كوڭىلى شىنايى ەكەندىگى كۇمان تۋدىرادى.

پسيحولوگتار دوستارى جوق ادامعا نەمەسە دوستارىن قۇپيادا ۇستايتىن ادامعا مۇقيات قاراۋ كەرەكتىگىن ايتادى. ونداي ادامنىڭ الەۋمەتتىك ماسەلەسى بولۋى ابدەن مۇمكىن.

2. سىزدەردىڭ قىزىعۋشىلىقتارىڭىز بەن اۋەسقويلىقتارىڭىز مۇلدە بولەك

عالىمداردىڭ زەرتتەۋى بويىنشا، باقىتتى جۇپتار ءبىر-ءبىرىنىڭ اۋەسقويلىعىمەن ءبولىسىپ، ۋاقىتتىڭ كوپ بولىگىن بىرگە وتكىزۋگە تىرىسادى. ادامداردىڭ ءتۇرلى قىزىعۋشىلىعى بولۋى قالىپتى، ءبىراق ولار بىرگە كوبىرەك ۋاقىت وتكىزۋگە تىرىسادى.

ارينە، سەرىگىڭىز سپورتتىڭ ءبىر تۇرىنە قىزىقسا، سىزگە ول سپورت ءتۇرى مۇلدەم ۇناماۋى مۇمكىن. ءبىراق ەكەۋىڭىزدى دە قىزىقتىراتىن قانداي دا ءبىر ورتاق حوببي تابىلۋى كەرەك.

3. جىگىتىڭىز بالا كەزى تۋرالى ايتقىسى كەلمەيدى

جەكە قايعىسى جانە بالالىق شاعى تۋرالى اڭگىمەلەردەن قاشقاقتايتىن ادام سول ۋاقىتتا ورىن العان ماسەلەلەردى ەسكە العىسى كەلمەيدى.

الايدا، كاسىبي مامانداردىڭ ايتۋىنشا، ادام سەرىگىنە ءوزىنىڭ تاربيەسى تۋرالى ايتىپ، وتكەن ومىرىنە ادال باعا بەرۋى كەرەك. ول جۇپتاردىڭ ءبىر-ءبىرىن جاقسى تانۋعا جانە جاقىنداي تۇسۋىنە كومەكتەسەدى.

4. ەكەۋىڭىز بىرگە قانداي دا ءبىر داعدارىستان وتپەدىڭىزدەر

ارينە، كىم بولسا دا ومىرىندە قانداي دا ءبىر جامان نارسە بولعانىن قالامايدى. ءبىراق، ءومىر بولعاسىن اۋىر كۇندەر اركىمنىڭ باسىنان ءوتىپ جاتادى.

اۋىر داعدارىس اركىم ءۇشىن وزىنشە بولادى: بىرەۋ جۇمىستان ايىرىلسا، باسقاسى جاقىنىن جوعالتادى. سونداي اۋىر كەزدە سەرىگىڭىزدىڭ شىنايى مىنەزى اشىلادى.

ءبىر-ءبىرىن تۇسىنەتىن، قولداۋ كورسەتە بىلەتىن جانە ءاردايىم جانىنان تابىلا الاتىن جۇپتار ومىرلىك سىناقتان سۇرىنبەي وتەدى.

5. ونىڭ بولاشاق جوسپارى تۋرالى بىلمەيسىز

ونىمەن بىرگە الداعى دەمالىستا نە ىستەيتىندەرىڭىزدى ايتقان بولارسىزدار. ءبىراق، ونىڭ الىس بولاشاققا دەگەن ارماندارى، جوسپارى تۋرالى بىلەسىز بە؟ قانداي مانساپتىق جوسپارى بار، نەشە بالالى بولعىسى كەلەدى نەمەسە قاي جەردە قانداي جاعدايدا تۇرعىسى كەلەدى؟ ورتاق ماقساتتاردىڭ بولۋى ماڭىزدى، سەبەبى ولار دۇرىس جانە ۇيلەسىمدى قاتىناستى قۇرۋدىڭ نەگىزى بولىپ تابىلادى.

6. ماڭىزدى تالقىلاۋدان قاشاسىزدار

پسيحولوگتاردىڭ ايتۋىنشا، ەكى ادامنىڭ قىزىعۋشىلىعى ءارتۇرلى بولسا دا، عالامدىق سۇراقتارعا كەلگەندە ويلارى ءبىر-بىرىنە ۇقساس بولۋى كەرەك. سەرىگىڭىز دىنگە، بالا اسىراپ الۋعا جانە ت. ب ماڭىزدى تالقىلاۋعا قالاي جاۋاپ بەرەدى؟

Massaget.kz