ماڭعىستاۋدىڭ ءتارتىپتى تۇيەلەرى تۇرعىنداردى تاڭعالدىردى

اقتاۋ. قازاقپارات - جول ەرەجەسىن بۇزباي، جاياۋ جۇرگىنشىلەر جولىمەن ءوتىپ بارا جاتقان تۇيەلەر تۇرعىنداردىڭ تاڭدانىسىن تۋعىزدى، دەپ حابارلايدى قازاقپارات ءتىلشىسى.

ويسىلقارا مالىنىڭ بۇل ارەكەتىن كۋا بولعان جۇرگىزۋشىلەر بەينەكامەراعا ءتۇسىرىپ العان. ولاردىڭ ايتۋىنشا، تۇيەلەر اسىقپاي، ەشكىمگە كەدەرگى كەلتىرمەستەن، جولدان ءوتىپ بارا جاتىر.

بۇل جاعداي الەۋمەتتىك جەلى قولدانۋشىلارىنىڭ دا قىزىعۋشىلىعىن تۋعىزدى. بىرەۋلەر «اقىلدى تۇيەلەر» دەپ باعا بەرسە، ەندى بىرەۋ «باسقا جول جوق بولعاندىقتان امالسىز وتكەن عوي» دەپ اياۋشىلىق ءبىلدىردى.