دەنيس تەننىڭ ولىمىنە قاتىستى ءىستى تەرگەۋ اياقتالدى - قالمۇحانبەت قاسىموۆ
بۇل تۋرالى بۇگىن پارلامەنت سەناتىندا تىلشىلەرگە ق ر ىشكى ىستەر ءمينيسترى قالمۇحانبەت قاسىموۆ ايتتى، دەپ حابارلايدى قازاقپارات ءتىلشىسى.
«ءبىز قىلمىستىق ءىستى تەرگەۋدى اياقتادىق. قازىرگى كەزدە ءىس ماتەريالدارىمەن تانىسۋ پروتسەسى ءجۇرىپ جاتىر. وسى ورايدا ماتەريالدارمەن تانىسۋ شارالارى اياقتالعاننان كەيىن، ونى بىردەن سوتقا جولدايمىز»، - دەدى ق. قاسىموۆ.
ەسكە سالساق، دەنيس تەندى 19- شىلدەدە الماتى قالاسىندا بەلگىسىز بىرەۋلەر پىشاقتاپ كەتكەن ەدى.
اۋىر حالدە اۋرۋحاناعا جەتكىزىلگەن سپورتشى كوز جۇمعان بولاتىن. دەنيس تەننىڭ ولىمىنە قاتىستى قىلمىستىق ءىس قوزعالىپ، كۇدىكتىلەر ىزدەستىرىلدى. ەلباسى دەنيس تەنگە قاتىستى قىلمىستى مۇقيات تەكسەرۋدى تاپسىردى.
كەيىن ق ر ءى ءى م كۇدىكتىلەردىڭ ۇستالعانىن جاريا ەتتى.
ەسكە سالا كەتسەك، قىركۇيەك ايىنىڭ سوڭىندا ىشكى ىستەر ءمينيسترى قالمۇحانبەت قاسىموۆ اتالمىش قىلمىستىق ءىستىڭ تەرگەلۋىنە قاتىستى مالىمەت بەرگەن بولاتىن.