اتىراۋ وبلىسىندا اسىل تۇقىمدى سيىرلار قىرىلىپ جاتىر

اتىراۋ. قازاقپارات - اتىراۋ وبلىسىنا قاراستى ماحامبەت اۋدانىنىڭ «پەرۆومايسكي» ج ش س- دا ءىرى قارا مال جاپپاي قىرىلىپ جاتىر، دەپ حابارلايدى «قازاقپارات» ح ا ا ءتىلشىسى.

«2018 -جىلدىڭ قىركۇيەگىندە ماحامبەت اۋدانىنداعى شارۋا قوجالىقتارىنىڭ بىرىندەگى ءىرى قارا مالدان بەلگىسىز اۋرۋدىڭ بەلگىلەرى انىقتالعان. وسىعان بايلانىستى مالدان بيولوگيالىق سىناما الىنىپ، زەرتتەۋ ءۇشىن استانا قالاسىنداعى «ۆەتەريناريا بويىنشا ۇلتتىق رەفەرەنت ورتالىعى» مەن الماتىداعى عىلىمي- زەرتتەۋ ۆەتەرينارلىق ينستيتۋتىنا جىبەرىلگەن.

 مامانداردىڭ جاساعان قورىتىندىسى بويىنشا، جانۋارلاردان ەرەكشە قاۋىپتى ينفەكتسيالىق اۋرۋ تابىلعان جوق. اتىراۋ وبلىستىق ۆەتەرينارلىق زەرتحاناسىنىڭ ساراپتاماسىنا سايكەس، سىرتقى بەلگىلەرىنە بايلانىستى زات الماسۋ پروتسەسىنىڭ بۇزىلۋى انىقتالعان، جانۋارلار سول سەبەپتى ازىق جەمەگەن.

 جاعدايى ناشارلاي تۇسكەن ءىرى قارا مالعا كالتسي بورگليۋكوناتىنىڭ 40 پايىزدىق ەرىتىندىسى، گليۋكوزانىڭ 40 پايىزدىق ەرىتىندىسى ەكى رەت ەگىلدى. ولارعا بەرەتىن ازىقتىڭ قۇرامى وزگەرتىلىپ، پروفيلاكتيكالىق ءىس- شارالار كۇشەيتىلگەن، بۇگىندە جانۋارلاردىڭ جاعدايى تۇراقتى.

 شارۋاشىلىقتا 1 مىڭنان استام ءىرى قارا بار، 178 ءى اۋرۋعا شالدىققان، سونىڭ 97 ءسى سويىلدى.

 مامانداردىڭ قورىتىندىسى بويىنشا، اۋىرعان سيىرلاردىڭ ەتى تاماققا پايدالانۋ ءۇشىن قاۋىپسىز» ، - دەپ اقپاراتتاندىردى اتراۋ وبلىسى اكىمىنىڭ باسپا ءسوز قىزمەتىنەن.

قازىرگى كەزدە شارۋاشىلىقتىڭ بارلىق ونىمدەرى دۇكەن سورەلەرىنەن الىنعان.