تۇماۋدان تەز ايىعۋدىڭ ءتورت جولى

استانا. قازاقپارات - سۋىق ءتيىپ، تۇماۋ بولساڭ، بارلىق جوسپارىڭدى كەيىنگە شەگەرۋگە تۋرا كەلەدى. تەزىرەك ايىعۋدىڭ جولىن ىزدەي باستايسىڭ. مۇندايدا اعزاعا نە كومەكتەسە الادى؟

 تەمپەراتۋرا تۇماۋ بولعاندا تەمپەراتۋرا كوتەرىلەدى. دارىگەرلەر 38 گرادۋستان اسپاعان بولسا، تەمپەراتۋرانى تۇسىرۋگە كومەكتەسەتىن ءدارى- دارمەكتەردى ىشپەۋگە كەڭەس بەرەدى. سەبەبى، تەمپەراتۋرا تۇماۋمەن كۇرەسىپ، اعزانىڭ تەز ساۋىعۋىنا جاعداي جاسايدى. ۆيرۋستاردى جويادى.

كوبىرەك سۋ ءىشۋ تۇماۋ بولعاندا، سۋىق تيگەندە كوبىرەك جىلى سۋ ءىشۋ كەرەك. ول ليمون قوسىلعان شاي نەمەسە كەپتىرىلگەن جەمىستەردىڭ كومپوتى بولسىن، ءبارىبىر. باستىسى، سۋدى كوبىرەك ءىشۋ ماڭىزدى. سۇيىقتىق اعزاداعى ۆيرۋستاردى شايىپ، تەزىرەك ساۋىعۋعا كومەكتەسەدى.

 تاماق تانۋدان باس تارتپاۋ كەرەك سالقىن تيگەندە اسقا دا تابەت تارتپايدى. ءبىراق تاماقتانباي قويۋعا بولمايدى. تاماق بولماسا، اعزاعا كۇش قايدان كەلەدى؟ سول ءۇشىن جەڭىل تاماقتار جەپ، بويعا كۇش- قۋات جيناۋ كەرەك.

مايلى تاعامداردان باس تارتا تۇرعان ابزال. اسقازانعا كۇش تۇسىرەدى. تاۋىق سورپاسى، سالات پەن سۇلى جارماسى جەگەن پايدالى.

ۇيقى تۇماۋ بولعاندا كوبىرەك تىنىققان دا دۇرىس. ۇيىقتاۋ ارقىلى اعزانىڭ ۆيرۋستار مەن ينفەكتسيالارعا قارسى كۇرەسىنە كومەكتەسە الاسىڭ. ءبىز ايتقان تۇماۋدان تەز ايىعۋدىڭ ءتورت جولى قوسىمشا كەڭەستەر عانا. ال باستىسى دارىگەرگە كورىنىپ، ۇسىنعان ءدارى- دارمەگىن ءىشۋ ماڭىزدى. دەنىڭىز ساۋ بولسىن!