گولوۆكين جاڭا الەم چەمپيونىنا قىزىقسىز بولىپ قالدى
بۇل تۋرالى ساراپشى دجەفف ارانوۋ ايتتى دەپ حابارلايدى Sports.kz.
برانت ريوتا مۋراتانى جەڭىپ، ونىڭ بەلبەۋىن تارتىپ الدى. ال مۋراتا گولوۆكيننىڭ 2019-جىلعا جوسپارلانعان قارسىلاستارىنىڭ ءبىرى ەدى.
«برانت GGG- مەن جەكپە-جەككە شىعۋ تۋرالى ايتپايدى. بۇل تاڭعالارلىق جاعداي ەمەس، ءبىراق ول ورتا سالماقتاعى WBC الەم چەمپيونى ساۋل «كانەلو» الۆارەسپەن شىققىسى كەلەتىنىن جەتكىزدى»، - دەيدى ساراپشى.
سونداي-اق، ارانوۋ بوكس سۇيەر قاۋىم «كانەلو» مەن برانتتىڭ كەزدەسۋىن قىزىعا تاماشالايتىنىن ايتتى.
«گولوۆكيننىڭ جانكۇيەرلەرىنىڭ الدىندا «كانەلونى» جەڭگەن جەڭىمپاز بولعانىمەن، ونىڭ قازىر كەزدەسۋگە قوياتىن ەشتەڭەسى جوق»، - دەدى ول.
ودان بولەك، ساراپشى الۆارەسپەن وتكىزگەن ەكى كەزدەسۋ GGG- ءدىڭ بەدەلىن ايتارلىقتاي تۇسىرگەنىن ءسوز ەتتى.
«گولوۆكين ەلدىڭ سەنىمىن قايتارۋ ءۇشىن بىرنەشە جەڭىسكە جەتۋى كەرەك»، - دەيدى دجەفف.
ول قازىر گولوۆكيننىڭ ءوز جاسىنا بايلانىستى چارلو، سوندەرس، دجەيكوبس جانە دەريەۆيانچەنكوعا شاماسى كەلمەيتىنىن ايتاتىندار بار ەكەنىن دە جەتكىزدى.