جازا مەرزىمى اياقتالعان اۋىر اتلەتتەرىمىز الەمدىك جارىستارعا قايتا ورالدى

استانا. قازاقپارات - قازاقستان اۋىر اتلەتتەرى الەمدىك جارىستارعا قايتا ورالدى، دەپ حابارلايدى قازاقپارات ءتىلشىسى.

ق ر ۇلتتىق وليمپيادالىق كوميتەتىنىڭ حابارلاۋىنشا، حالىقارالىق اۋىر اتلەتيكا فەدەراتسياسىنىڭ اتقارۋشى كوميتەتى قازاقستان اۋىر اتلەتيكا فەدەراتسياسىن ءبىر جىلعا جارىستاردان شەتتەتكەن بولاتىن. وتكەن اپتادا جازا مەرزىمى اياقتالدى.

دوپينگ داۋىنا ىلىنگەن اۋىر اتلەتيكادان قازاقستان قۇراما كومانداسى ا ق ش- تا وتكەن الەم چەمپيوناتى مەن وزگە دە حالىقارالىق تۋرنيرلەرگە قاتىسقان جوق.

وتكەن جۇما كۇنى، 19- قازاندا قازاقستان اۋىر اتلەتيكا فەدەراتسياسىنىڭ جازا مەرزىمى اياقتالدى.

ءبىر جىلعا سوزىلعان ۇزىلىستەن كەيىن قازاقستاندىق زىلتەمىرشىلەر اشحابادتا وتەتىن ليتسەنزيالىق الەم چەمپيوناتىنا قاتىسپاق.

الەمدىك دودا 1-10- قاراشا ارالىعىندا وتەدى.

اۆتور: كۇنسۇلتان وتارباي