گولوۆكيننىڭ نەگىزگى قارسىلاسى بولعان ريوتا مۋراتا جەڭىلىپ قالدى

استانا. قازاقپارات - جاپون بوكسشىسى ريوتا مۋراتا (14-1، 11 ك و) WBA تۇجىرىمداماسى بويىنشا ورتاشا سالماقتاعى «تۇراقتى» الەم چەمپيونىنىڭ بەلدىگىن قورعاي الماي قالدى، دەپ حابارلايدى Sports.kz.

ول لاس-ۆەگاستاعى (نيەۆادا شتاتى، ا ق ش) Park Theater ويىن-ساۋىق كەشەنىندە وتكەن بوكس كەشىنە قاتىسىپ، وندا امەريكاندىق روب برانتكە (23-1، 16 ك و) قارسى ايقاستى.

جەكپە-جەك تورەشىلەردىڭ ءبىراۋىزدان قابىلداعان شەشىمىمەن جەڭىس برانتقا بەرىلدى. وسىلايشا، روب مۋراتانىڭ WBA تۇجىرىمداماسى بويىنشا چەمپيوندىق بەلدىگىن الىپ، مانسابىنداعى 24-جەڭىسكە قول جەتكىزدى.

ال مۋراتا ءوز مانسابىندا ەكىنشى رەت جەڭىلىپ، اتاعىنان ايىرىلدى. بۇل جەكپە-جەكتە جاپوندىق سپورتشى جەڭىسكە باستى ۇمىتكەر بولعانىن اتاپ ءوتۋ كەرەك.

ەسكە سالا كەتەيىك، ريوتا مۋراتا قازاقستاندىق بوكسشى گەننادي گولوۆكيننىڭ (38-1-1، 34 ك و) كەلەسى قارسىلاسى بولۋى ابدەن مۇمكىن ەكەندىگى تۋرالى بۇعان دەيىن دە جازعان بولاتىنبىز.