قىستا سالماق قوسۋدىڭ سىرى نەدە؟

None
None
 استانا. قازاقپارات - قىس مەزگىلىندە كوپ ادامدار سالماق قوسىپ، كەيىننەن ارىلا الماي جۇرەدى. وعان اسەر ەتۋشى ءتۇرلى فاكتورلار بار ەكەنى جاسىرىن ەمەس. ولاي بولسا، ەڭ باستى سىرى نەدە ەكەن؟

سۋىق مەزگىلدە سالماق تاستاۋ مەن ونى قالپىندا ۇستاۋدىڭ قيىن ەكەنىن كوپشىلىك بىلەدى. بۇل جايىندا عالىمدار زەرتتەۋى دە از ەمەس. جاقىندا ا ق ش- عى ماسساچۋسەتس ۋنيۆەرسيتەتىنىڭ زەرتتەۋشىلەرى اعزاداعى وسى ءبىر قۇبىلىستى ارنايى نازارعا الىپ، قورىتىندىلارىن شىعاردى. ولاردىڭ زەرتتەۋى بويىنشا، بۇل ادام ميىنداعى پروتسەسستەرگە بايلانىستى ەكەن. سەبەبى قىس مەزگىلىندە ادامدى باقىتقا بولەيتىن سيروتونين گارمونى از بولىنەدى. ناتيجەسىندە ادام ءوزىن اش سەزىنىپ، كومىرسۋعا باي تاعامداردى كوبىرەك تۇتىنا باستايتىن كورىنەدى. وتكەن جىلى اعىلشىن عالىمدارى دا وسى قۇبىلىسقا بايلانىستى باس قاتىرعان ەدى. ولار ادامنىڭ قىستا سالماق قوسۋىن Bacteroidetes جانە Firmicutes باكتەريالارىنا بايلانىستى دەپ وي تۇيگەن.

 قىستا اعزا جىلۋدى ساقتاۋ ءۇشىن كوپ مولشەردە ەنەرگيا جۇمسايدى. سونداي- اق، قىس مەزگىلىندە كۇن ساۋلەسى كوپ تۇسپەيتىندىكتەن، اعزاعا «D» دارۋمەنى جەتىسپەيدى. وسى كەزدە كوپشىلىك اۆيتامينوز اۋرۋىنا شالدىعىپ، يممۋنيتەتى تومەندەيدى. ءتۇرلى ۆيرۋستىق سىرقاتپەن اۋىرادى. اعزا قالىپتى جۇمىس ءىستەۋى ءۇشىن ەنەرگيا قاجەت بولادى. ال تاتتىلەر قولجەتىمدى ەنەرگيا كوزى بولىپ سانالادى. كامپيتتەر مەن ءتاتتى توقاشتار كوڭىل- كۇيدى كوتەرەتىنى بەلگىلى. الايدا تاتتىلەردى كوپ مولشەردە تۇتىنۋ -  ارتىق سالماق قوسۋعا اكەلىپ سوعادى. ەگەر فيزيكالىق بەلسەندىلىك تومەن بولسا، سوڭى سەمىزدىككە اپارۋى مۇمكىن. جاستار ارتىق سالماقتان وڭاي قۇتىلادى. ال 35 جاستان جوعارى ادامداردا زات الماسۋ پروتسەسى باياۋ جۇرەتىندىكتەن، اس ۇزاق قورىتىلادى.

قىستا سالماق قوسۋدان ساقتانۋ ءۇشىن نە ىستەۋ كەرەك؟ ول ءۇشىن سۋىقتى سىلتاۋراتپاي، سپورتپەن شۇعىلدانۋ ماڭىزدى. ۇنەمى قيمىل- قوزعالىستا بولۋ كەرەك. سونداي- اق پسيحولوگتار كوك جانە كوگىلدىر ءتۇستى ىدىستارمەن تاماقتانۋدى العا تارتادى. ولاردىڭ ايتۋىنشا، قىزىل، سارى تۇستەر ادامنىڭ تابەتىن اشىپ تۇرادى. ال كوك جانە كوگىلدىر تۇستەر كەرىسىنشە اسەر ەتەدى ەكەن.

Massaget.kz

سوڭعى جاڭالىقتار