ليۆانعا باراتىن قازاقستان ساربازدارىنا قانداي جاعداي جاسالادى

استانا. قازاقپارات - ق ر پارلامەنتى ءماجىلىسىنىڭ جالپى وتىرىسىندا «ق ر ۇكىمەتى مەن ءۇندىستان ۇكىمەتى اراسىنداعى ب ۇ ۇ- نىڭ ليۆانداعى ۋاقىتشا كۇشتەرىندەگى ءۇندىستاندىق باتالون قۇرامىندا قازاقستاندىق بىتىمگەرشىلىك كونتينگەنتتى بىرلەسىپ ورىستەتۋ ءتارتىبى تۋرالى ءوزارا تۇسىنىستىك تۋرالى مەموراندۋمدى راتيفيكاتسيالاۋ تۋرالى» زاڭ جوباسى ماقۇلداندى، دەپ حابارلايدى قازاقپارات ءتىلشىسى.

  مەموراندۋمعا 2018 -جىلعى 21 - تامىزدا ب ۇ ۇ- نىڭ ميسسيالارىنا قاتىسۋعا ق ر قارۋلى كۇشتەرىنىڭ اسكەري قىزمەتشىلەرىن جىبەرۋ تۋرالى ق ر پارلامەنتىنىڭ 2018 -جىلعى 15- ماۋسىمداعى قاۋلىسىن جۇزەگە اسىرۋ ماقساتىندا قول قويىلدى. قۇجاتپەن بىتىمگەرشىلىك كونتيگەنتتى بىرلەسىپ ورىستەتۋ، اتاپ ايتقاندا، قولباسشىلىق ەتۋ جانە باسقارۋ، قارجىلىق جانە مەديتسينالىق قامتاماسىز ەتۋ، سونداي- اق جەكە قۇرامدى دايارلاۋ ءتارتىبى ايقىندالعان.

 «ق ر قارۋلى كۇشتەرى ليۆاندا 1978 -جىلدان باستاپ ورىستەتىلگەن ءۇندىستاندىق بىتىمگەرشىلىك كونتيگەنتىنىڭ قاراماعىنا 120 اسكەري قىزمەتشىدەن تۇراتىن روتانى ۇسىنادى. روتا قاجەتتى قارۋمەن جانە وق- دارىمەن، جەكە جانە ارناۋلى جابدىقپەن قامتاماسىز ەتىلگەن. ءوزارا ارەكەتتەسۋ ءتارتىبى ب ۇ ۇ- نىڭ راسىمدەرىمەن رەتتەلگەن»، - دەدى ق ر قورعانىس ءمينيسترىنىڭ ورىنباسارى تالعات مۇحتاروۆ.

 سونىمەن قاتار ول اتالعان اۋماققا باعىتتالاتىن اسكەري قىزمەتشىلەر قاجەتتى ۆاكسيناتسيادان وتكەنىن جەتكىزدى.

«ميسسياعا قاتىساتىن اسكەري قىزمەتشىلەردى الەۋمەتتىك جاعىنان قامتاماسىز ەتۋ ماسەلەلەرى ەل زاڭناماسىمەن رەتتەلگەن. مىسالى، «ق ر بىتىمگەرشىلىك قىزمەتى تۋرالى» زاڭىنا سايكەس، اسكەري قىزمەتشىلەر مەملەكەت ەسەبىنەن بىتىمگەرشىلىك وپەراتسيالارعا قاتىسۋ كەزەڭىندە 3 ەسەلەنگەن اقشالاي جالاقىمەن، شيپاجاي- كۋرورتتىق ەمدەلۋمەن قامتاماسىز ەتىلەدى. سونىمەن قاتار، بىتىمگەرشىلىك وپەراتسيالارعا قاتىسۋ كەزەڭىندەگى ءبىر ايلىق قىزمەتى 1,5-اي بولىپ ەسەپتەلىنەدى»، - دەدى ت. مۇحتاروۆ.

مۇنىمەن قوسا، ب ۇ ۇ باسشىلىعى ەلىمىز بىتىمگەرشىلەرىنىڭ دايىندىق دەڭگەيىنە وڭ باعا بەرگەنى اتاپ ءوتىلدى.

 «اسكەريلەرىمىزدىڭ ب ۇ ۇ ميسسياسىنا قاتىسۋى حالىقارالىق قاۋىپسىزدىكتى نىعايتۋعا ايتارلىقتاي ۇلەس قوسادى. سونداي- اق حالىقارالىق قاۋىمداستىقتىڭ جاۋاپتى مۇشەسى رەتىندە، ونىڭ ىشىندە قازاقستان رەسپۋبليكاسىنىڭ ب ۇ ۇ قاۋىپسىزدىك كەڭەسىندەگى تۇراقتى ەمەس مۇشەلىگىنىڭ قورىتىندىسىن شىعارۋ اياسىندا دا قازاقستاننىڭ بەدەلىن نىعايتادى»، - دەپ ءتۇيدى تالعات مۇحتاروۆ.

 بۇدان بۇرىن حابارلانعانداي، ماۋسىم ايىنداعى ق ر پارلامەنتى پالاتالارىنىڭ بىرلەسكەن وتىرىسىندا قازاقستاننىڭ 120-عا جۋىق اسكەري قىزمەتشىسى ليۆانداعى ميسسياعا قاتىساتىنى ءمالىم بولدى.

 سونىمەن قاتار قازاقستان اسكەريلەرى ليۆانداعى بىتىمگەرلىك ميسسياسىنا ازىرلەنىپ جاتقاندىعى ايتىلعان ەدى.

 ب ۇ ۇ ميسسياسىندا قازاقستان بىتىمگەرلەرىنە تولەنەتىن ەڭبەكاقى مولشەرى دە بەلگىلى بولدى.

اۆتور: رۋسلان عابباسوۆ