بايقوڭىرداعى زىمىران اپاتىنىڭ ۆيدەوسى جاريالاندى

 استانا. قازاقپارات - «بايقوڭىر» عارىش ايلاعىنان ۇشىرىلىپ، اپاتقا ۇشىراعان زىمىراننىڭ ۆيدەوسى جاريالاندى، دەپ حابارلايدى «قازاقپارات» ح ا ا ءتىلشىسى.

زىمىراندى ۇشىرۋ وقيعاسىنا كۋاگەرلەر عارىش كەمەسىنىڭ بايقوڭىردان ءساتتى ۇشىرىلعانىن جانە زىمىران تاسىعىشتىڭ ءبىرىنشى ساتىسىنىڭ اجىراعانىن كورگەن. ءبىراق ولار اپاتتىق قۇتقارۋ جۇيەسىنىڭ (ا ق ج) قالاي جۇمىس ىستەگەنىن كورە المايتىن ەدى. جەرگە قوندىراتىن اپپارات جەكە ءبولىنىپ، پاراشيۋتپەن جەرگە تۇسەدى.

ەسكە سالا كەتەيىك، ءبىز بۇعان دەيىن بايقوڭىنداعى اپاتتىق وقيعا تۋرالى حابارلاعان بولاتىنبىز. 2018 -جىلعى 11 - قازان كۇنى 14 ساعات 40 مينۋت 15 سەكۋندتا بايقوڭىر عارىش ايلاعىنىڭ گاگارين ستارت الاڭىنان وربيتاعا باسقارىلاتىن كولىكتىك «سويۋز مس-10» كەمەسىن الىپ شىعۋى ءتيىس «سويۋز فگ» زىمىران تاسىعىشى ۇشىرىلعان بولاتىن. ءبىراق ستارت بەرىلگەن سوڭ بىرنەشە مينۋتتان كەيىن روسكوسموس سايتىنداعى تىكەلەي كورسەتىلىم ءۇزىلىپ، ديكتور «زىمىران تاسىعىشتىڭ اپاتقا ۇشىراعانىن» جەتكىزدى.