قازاقستاندىقتار قاي اۋە باعىتى بويىنشا كوپ ۇشادى

None
None
استانا. قازاقپارات - بيىل قازاقستاننىڭ ازاماتتىق اۆياتسيا سالاسىندا كورسەتكىش ءوسىمىنىڭ قارقىنى ساقتالدى.

2018 -جىلدىڭ 8 ايىندا جەرگىلىكتى اۋەجايلار 9,2 ميلليون ادامعا (بولجامدى دەرەك) قىزمەت كورسەتتى. بۇل كورسەتكىش 2017 -جىلدىڭ سايكەس كەزەڭىمەن سالىستىرعاندا %10 عا ارتىق (8,4 ميلليون ادام)، دەپ حابارلاندى ازاماتتىق اۆياتسيا كوميتەتىنىڭ فەيسبۋكتەگى رەسمي پاراقشاسىندا.

مالىمەتكە ساي، 2018 -جىلدىڭ 8 ايىندا اۋە جولاۋشىلار تاسىمالىنىڭ ءوسىمى %15 قۇرادى نەمەسە 5,5 ميلليون ادامعا جەتتى (2017 -جىلدىڭ 8-ايىندا - 4,8 ميلليون ادام).

قازىرگى ۋاقىتتا قازاقستان رەسپۋبليكاسىنىڭ اۋە تاسىمالىنىڭ ىشكى نارىعىندا «ەير استانا»، «SCAT»، «بەك ەير»، «Qazaq Air»، «جەزقازعان ەير»، «جەتىسۋ»، «يۋجنوە نەبو» سياقتى 7 قازاقستاندىق اۋە كومپانيا جۇمىس ىستەيدى.

ىشكى نارىقتاعى حالىق ەڭ كوپ ۇشاتىن «الماتى - استانا - الماتى» اۋە باعىتى. بۇل مارشرۋت بويىنشا ەكى باعىتقا 4 اۋە كومپانياسى («ەير استانا»، «SCAT»، «بەك ەير»، «Qazaq Air») اپتاسىنا جيىلىگى 274 رەيس ورىندايدى. ورتاشا ەسەپپەن استانادان الماتىعا جانە كەرى ۇشۋعا بولاتىن كۇندەلىكتى 19 رەيس بار.

ەكىنشى حالىق كوپ ۇشاتىن «الماتى - شىمكەنت - الماتى» باعىتى. بۇل مارشرۋت بويىنشا ەكى باعىتقا 4 اۋە كومپانياسى («ەير استانا»، «SCAT»، «بەك ەير»، «Qazaq Air» ) اپتاسىنا جيىلىگى 62 رەيس ورىندايدى.

ءۇشىنشى ورىندا استانا - شىمكەنت - استانا مارشرۋتى. بۇل باعىتتا 3 اۋە كومپانيا («ەير استانا»، «SCAT»، «بەك ەير» ) اپتاسىنا جيىلىگى 60 رەيس ورىندايدى.

قازاقستان رەسپۋبليكاسىندا حالىقارالىق نارىقتا جولاۋشىلار تاسىمالدايتىن 25 شەتەلدىك جانە 2 قازاقستاندىق اۋە كومپانيا بار. حالىقارالىق باعىتتا ەڭ كوپ قولدانىلاتىن - «الماتى - ماسكەۋ - الماتى» مارشرۋتى. بۇل ەكى باعىتقا ەكى اۋە كومپانياسى («ەير استانا»، «اەروفلوت» ) اپتاسىنا 60 رەيس ورىندايدى.

ەكىنشى حالىق تاراپىنان سۇرانىسقا يە «استانا - ماسكەۋ - استانا» مارشرۋتى. بۇل ەكى باعىتقا ەكى اۋە كومپانياسى («ەير استانا»، «اەروفلوت» ) اپتاسىنا 48 رەيس ورىندايدى.

ءۇشىنشى ورىندا «الماتى - ىستامبۇل - الماتى» مارشرۋتى. بۇل ەكى باعىتقا ەكى اۋە كومپانياسى («ەير استانا»، «Turkish Airlines» ) اپتاسىنا 34 رەيس ورىندايدى.

ايتا كەتەيىك، كۇنى كەشە جاڭا حالىقارالىق اۋە باعىتىنىڭ اشىلاتىنىن حابارلاعان بولاتىنبىز. بۇگىندە قازاقستان مەن سەربيا اراسىندا تىركەلەي رەيستەر ءۇشىن قۇقىقتىق بازا ورناتىلدى، ەندى استانا مەن بەلگراد اراسىندا تىكەلەي اۋە رەيسى قاتىنايتىن بولادى.

سوڭعى جاڭالىقتار