دەمالىس كۇندەرى استانادا پاۆلودار وبلىسىنىڭ جارمەڭكەسى وتەدى
قالا اكىمدىگى باسپا ءسوز قىزمەتىنىڭ مالىمەتىنشە، الداعى سەنبى، جەكسەنبى كۇندەرى استاناداعى «قازاقستان» سپورت كەشەنىنى ماڭىنداعى الاڭدا پاۆلودار وبلىسىنىڭ اۋىلشارۋاشىلىق تاۋار وندىرۋشىلەرىنىڭ قاتىسۋىمەن جارمەڭكە وتەدى.
جارمەڭكەدە وبلىستىڭ بارلىق وڭىرلەرىنىڭ 100-دەن استام قايتا وڭدەۋشى كاسىپورىندار مەن اۋىلشارۋاشىلىق قۇرىلىمدارى قاتىسادى، ولار 150 ميلليون تەڭگەنىڭ 541 توننا ءونىمىن اكەلەدى. ونىڭ ىشىندە وبلىستا وندىرىلەتىن 55 توننادان استام ەت جانە ەت ونىمدەرى، 220 توننا كارتوپ، 120 توننا كوكونىس جانە 146 توننادان استام اۋىلشارۋاشىلىق ءونىمى.
رەسپۋبليكاعا تانىمال برەند «رۋبيكوم» ج ش س، «كەممي» ج ش س، «ساعىپ» ش ق، «رەگتايم» ش ق، «كرەندەل» ج ش س، «زەرنوگراد» ج ش س، «گاليسكوە» ج ش س، «شارباقتى قۇس» ج ش س، « قىزىلجار- قۇس» ج ش س، «پوبەدا» ج ش س، «اقتوعاي اگرو» ج ش س سياقتى كاسىپورىندار ءوزىنىڭ ءونىمىن ۇسىنادى.
پاۆلودارلىق كاسىپورىندار قالا تۇرعىندارىنا ازىق- تۇلىك ونىمدەرىنىڭ كوپ ءتۇرىن ۇسىنادى. سونىمەن قاتار، جارمەڭكەدە «شاڭىراق» مادەني- ساۋىقتىق ورتالىعىنىڭ ۇجىمدارى كونسەرت قويادى.