بيىك وكشەلى اياق كيىم دەنساۋلىققا زيان بولماس ءۇشىن

None
None
 استانا. قازاقپارات - قازىر وكشەسى بار اياق كيىمدى تەك كەشكە ەمەس، كافەگە دە، سەرۋەندەۋگە دە، جۇمىسقا دا كيە بەرەدى. ءبىراق بۇل ترەندتى دارىگەرلەر قولدامايدى.

 وكشەسى بار اياق كيىمنىڭ دەنساۋلىعىڭىزعا زيانى تيمەس ءۇشىن كەي ەرەجەلەردى ساقتاڭىز.

 1. بيىك ەمەس وكشە تاڭداڭىز ءيا، كىشكەنتاي وكشەلى اياق كيىمدەر اركەز ادەمى كورىنە بەرمەيدى. ءبىراق دارىگەرلەر بيىكتىگى 4-5 سانتيمەتر بولاتىن جالپاق وكشەنى قاۋىپسىز دەپ سانايدى. ول تابانعا قاتتى كۇش تۇسىرمەيدى. ەگەر كىشكەنتاي وكشەلى اياق كيىم كيە الماساڭىز، پلاتفورماسى بيىك بولعانىن ەسكەرىڭىز. مىسالى، 10 سانتيمەترلىك وكشەسى بار اياق كيىمنىڭ 2 سانتيمەترى پلاتفورما بولسا، وكشەسى 8 سانتيمەتر بولىپ سانالادى.

 2. بيىكتىكتى وزگەرتىڭىز بيىك وكشەلەر بالتىر بۇلشىقەتتەرىن قىسقارتادى جانە قاتتى كۇش تۇسىرەدى. ال الدىڭعى بۇلشىقەتتەردى كەرىسىنشە، سوزادى. ناتيجەسىندە، اياق بۇلشىقەتتەرى دۇرىس دامىمايدى. مۇنداي ماسەلە بولماس ءۇشىن اپتاسىنا از دەگەندە 3 رەت جاي تاباندى اياق كيىم كيىڭىز. ەڭ دۇرىسى، اياق ءاردايىم ءبىر جاعدايدا تۇرماس ءۇشىن اياق كيىمدەردى كەزەكتەستىرىپ كيگەن ءجون.

 3. وكشەسى بار اياق كيىمدى كۇننىڭ سوڭىندا ساتىپ الىڭىز اياق كۇنى بويى ىسىنەدى، سوندىقتان كەشكە تامان تابانىڭىز جارتى ولشەمگە ۇلكەيۋى مۇمكىن. سول كەزدە شوپپينگكە شىققان ءجون، سەبەبى ناعىز كەرەك ولشەمدى الاسىز. ءبىر جاعىنان، اياعىڭىز شارشاعان ۋاقىتتا بۇل اياق كيىمدى كيە الاتىندىعىڭىزدى تەكسەرەسىز.

 4. ورتوپەديالىق ۇلتاراق ساتىپ الىڭىز ولار تاباننىڭ الدىڭعى بولىگىنە تۇسىرىلگەن كۇشتى ءسال ازايتىپ، اياق كيىمدى ىڭعايلى ەتەدى.

 5. جاتتىعۋ جاساڭىز اياقتى ۇيدەن شىعاردا جانە كەشكىسىن كەلگەندە ۋقالاعان ءجون. نەگىزى مۇمكىندىك بولسا، ءار 2-3 ساعات سايىن ۋقالاۋ كەرەك. مەكتەپتە دەنە شىنىقتىرۋ ساباعىنداعى تابانعا جاساعان جاتتىعۋلاردى ەسكە ءتۇسىرىڭىز: تاباننىڭ ىشكى جانە سىرتقى جاعىمەن ءجۇرۋ، وكشەمەن ءجۇرۋ جانە ت. ب. ەگەر كەڭسەدە وتساڭىز، ۇستەل استىنا سۋى بار بوتەلكە نەمەسە دوپ قويىپ، اياعىڭىزبەن دومالاتىپ وتىرىڭىز.

Massaget.kz

سوڭعى جاڭالىقتار