دانيار ەلەۋسىنوۆتىڭ پروموۋتەرى گەننادي گولوۆكينمەن بىرگە جۇمىس ىستەگىسى كەلەدى
تانىمال پروموۋتەردىڭ سوزىنە قاراعاندا، ول گەننادي گولوۆكين، ساۋل الۆارەس (50-1-2, 34ك و) جانە مەنني پاكياو (60-7-2,39ك و) سىندى تانىمال بوكس جۇلدىزدارىمەن جەكپە- جەكتىڭ تەلەكورسەتىلىمى بويىنشا كەلىسىمشارت جاساسپاقشى.
«مەن GGG نىڭ مەنەدجەرى توم لەففەرمەن جاقسى قارىم- قاتىناستامىن، ءبىز جەكپە- جەكتەردى ۇيىمداستىرۋدا ارىپتەس بولعانبىز. مەن وعان گەننادي گولوۆكيندى ءبىزدىڭ DAZN تەلەكورسەتىلىمى اياسىندا بوكستاسقانىن قالايتىنىمىزدى ايتتىم. سونىمەن قاتار، مەن الۆارەس جانە پاكياومەندە بۇل ماسەلە جونىندە سويلەستىم. ارينە، ۇشەۋىمەندە كەلىسىمگە كەلەمىن دەپ ايتا المايمىن. الايدا، ولاردىڭ ءبىرى قاتارىمىزعا قوسىلاتىنىنا سەنىمدىمىن» ، - دەدى ەددي حيرن.
ايتا كەتەيىك، HBO تەلەارناسى گەننادي گولوۆكين مەن ساۋل الۆارەستىڭ ەكىنشى جەكپە- جەگىنەن كەيىن، كاسىپقوي بوكس تەلەتاراتىلىمى بازارىنان كەتەتىنىن جاريالادى. وسىلايشا، Showtime جانە ESPN تەلەارنالارى الداعى ۋاقىتتا GGG، Canelo بوكس كەشتەرىن ۇيىمداستىرۋعا مۇددەلى بولىپ وتىر.
ەددي حيرن بۇل كۇندە دانيار ەلەۋسىنوۆ، كەلل برۋك، دەنيەل دجەكوبس جانە ەنتوني دجوشۋا سىندى تانىمال بوكسشىلاردىڭ پروموۋتەرى.
