07:09, 04 - قازان 2018 | GMT +6
مەملەكەتتىك ءتىلدى جەتىك بىلەتىن پوليتسەيلەر بايقاۋى وتۋدە
تالدىقورعان. قازاقپارات - تالدىقورعاندا قازاقستان رەسپۋبليكاسى ىشكى ىستەر مينيسترلىگىنىڭ ۇيىمداستىرۋىمەن «پاراساتتى پوليتسەي» بايقاۋى باستالدى. 9- رەت وتكىزىلىپ جاتقان ءتىل دوداسىنا ەلىمىزدىڭ ءار وبلىسىنان 200-دەن استام ءتارتىپ ساقشىسى قاتىسۋدا، دەپ حابارلايدى قازاقپارات ءتىلشىسى.
سايىستىڭ العاشقى كۇنىندە قاتىسۋشىلار قارتتار كۇنىنە وراي تەكەلى قالاسىنداعى قارتتار ۇيىنە بارىپ، سىي- سياپات بەرىپ، ءان- جىردان شاشۋ شاشتى. جالپى بۇل بايقاۋ ماقساتى ىشكى ىستەر ورگاندارىندا قىزمەت ەتەتىن ءتارتىپ ساقشىلارىنىڭ قازاق ءتىلىن جەتىك مەڭگەرۋگە ىقپال ەتۋ. سونداي- اق، كاسىبي تەرميندەردى دۇرىس قولدانىپ، قىزمەتتىك قۇجاتتاردى قاتەسىز راسىمدەۋدى ۇيرەتۋ.
«ءبىزدىڭ بايقاۋعا قاتىسۋشىلار وسى قىزمەتكەرلەر. مىسالى تەرگەۋ سالاسىنان بار دەپ ايتۋعا بولادى. ولار ەندى ءىستى جۇرگىزگەندە جىلدان- جىلعا تىلىمىزگە دەگەن قۇرمەتى كوتەرىلىپ كەلە جاتىر. قازاق تىلىندە جۇرگىزەدى. جانە وسى بايقاۋدىڭ ءوتۋى ءوزىنىڭ ءبىر كومەگىن، سەپتىگىن تيگىزەدى»، - دەدى ق ر ءى ءى م باسپا ءسوز قىزمەتى باسقارماسىنىڭ باسشىسى ءاليا شەرماعانبەتوۆا.
اۆتور: سامال قابىشيەۆا