كۇتىنبەيتىن كىسىنىڭ بەلگىلەرى
ءوز-ءوزىن قۇرمەتتەيتىن، سىرتقى كەلبەتىنە كۇتىم جاسايتىن ادام ءبىر كورگەندە ءبىلىنىپ تۇرادى. ال كۇتىم كورمەگەن بەينە بەلگىلەرى قانداي؟ شاش ۇشتالۋى. قىز- كەلىنشەكتەردىڭ باستى ماسەلەلەرىنىڭ ءبىرى - شاش ۇشتالۋى جانە ونى ءوسىرۋ.
«شاشىمدى ءوسىرىپ ءجۇرمىن» دەپ بىرنەشە جىل بويى شاشتاراز كورمەگەن قىزدار كەزدەسەدى. ال ولار شاش ۇشىن نەعۇرلىم ءجيى قيسا، سوعۇرلىم تەز وسەتىنىن بىلە مە ەكەن؟ بويالعان شاشتىڭ ءتۇبى ءوسىپ كەتۋ. قىزدار ءبىرى ماجبۇرلىكپەن، ءبىرى قىزىققۇمارلىقپەن شاشىن وزگە تۇسكە بويايدى. ودان سوڭ، ءبىتتى. شاشقا كەم دەگەندە ءار اي سايىن جاڭا بوياۋ جاعىپ وتىرۋ كەرەك.
شاش ۇنەمى ءوسۋ ۇدەرىسىندە بولاتىندىقتان، بوياۋدىڭ تۇبىنەن شىققان جاڭا شاشتىڭ تابيعي ءتۇسى ادامدى كۇتىنبەيتىن ەتىپ كورسەتەدى. ۋاقىت پەن اقشا ۇنەمدەگىسى كەلەتىن ادام شاشىنىڭ تابيعي ءتۇسىن باعالاعانى ابزال. كەبەرسىگەن ەرىن. كەز كەلگەن ارۋدىڭ سومكەسىنەن ەرىنگە ارنالعان بالزام نە گيگيەنالىق دالاپ تابىلۋى ءتيىس. اسىرەسە كۇن سۋىق كەزدەرى لاس اۋادان، جەلدەن، اۋىزبەن دەم العاننان ەرىن قۇرعاپ، كەۋىپ قالادى.
مۇنداي كەزدە گيگيەنالىق دالاپ جاعۋ كەش بولادى. ءار ءىستىڭ الدىن الۋدان ابزالى جوق. ەرىن جارىلماي تۇرىپ بالزام، دالاپ، گەل سەكىلدى نارسەلەردى كۇندەلىكتى قولدانىپ، ەرىندى جۇمساق، ىلعالدى كۇيدە ۇستاعان دۇرىس. تىرناق بوياۋىنىڭ شەتى بۇزىلۋ. ءقازىر تىرناققا جاعاتىن لاكتار ساپاسى ناشار ما، باسقا ما، بەلگىسىز.
قىمبات برەندتى فيرمادان العان لاكتىڭ وزىنە سەنىم جوق. ءسال وعاش قيمىل جاساساڭ، قابىرشاقتانىپ ءتۇسىپ نە شەتى سىرىلىپ كەتۋى ابدەن مۇمكىن. ماڭىزدى جيىندارعا بارعاندا تىرناق لاگىن وزىڭىزبەن الا ءجۇرىڭىز. ايتپەسە، مانيكيۋر ءسال بۇزىلسا، ءوزىن كۇتپەيتىن كىسى رەتىندە كورىنەسىز. تىرناق اينالاسىنداعى ەت ءوسۋى.
تىرناق اينالاسىنا ارتىق ەتتەر ءوسىپ كەتسە، قولدىڭ ءسانىن كەتىرەدى. قىزدىڭ ەڭ نازىك كورىنەتىن، تارتىمدى مۇشەسىنىڭ ءبىرى - قول. ۇساق-تۇيەككە نازار اۋداراتىن ادام شامالى دەگەن وتە جاڭساق پىكىر. ادامنىڭ جالپى وبرازى سول مايدا-شۇيدەدەن قۇرالادى.
تەرى ماسەلەسى. جەيتىن ازىعىڭىزعا كوڭىل ءبولىپ، بەزەۋ مەن بورتپە شىعۋ سەبەبىن انىقتاپ، ونىمەن بىردەن كۇرەسكەن ءجون. تازا ءارى تەگىس تەرى كاسىبي جاسالعان ماكياجدان دا ادەمى كورىنەدى.
Massaget.kz
