كورەيا كلينيكاسى كوز جۇمعان قازاقستاندىق بالانىڭ دەنەسىن بەرمەي وتىر
«قازىرگى تاڭدا بالانىڭ اتا- اناسى سومانىڭ جارتىسىن جيناعان. كونسۋل ءالى كۇنگە دەيىن كلينيكانىڭ باسشىلىعىمەن كەلىسسوز جۇرگىزىپ جاتقانىمەن، ازىرگە ەشقانداي ناتيجە بولماي تۇر. كلينيكا ءوز دەگەنىنەن قايتاتىن ەمەس. ءبىزدىڭ مالىمەتكە سايكەس، بالا ول جەرگە كوكتەمدە تۇسكەن، ال تامىزدا سول جەردە جانساقتاۋ بولىمىنە اۋىستىرىلعان. جانساقتاۋ بولىمىندەگى ءار كۇن 5 مىڭ دوللار دەپ ەسەپتەلگەن. مىنە، سوندىقتان اقىرعى سوما كوپ شىعىپ كەتكەن»، - دەدى ق ر س ءى م رەسمي وكىلى ايبەك سمادياروۆ بۇگىنگى بريفينگ بارىسىندا تىلشىلەردىڭ سۇراعىنا جاۋاپ بەرە وتىرىپ.
ايتا كەتسەك، شىعىس قازاقستان وبلىسى بەلاعاش اۋىلىنان التى جاسار بوگدان ۋنرا ءبىر جىل بويى ونكولوگيالىق اۋرۋدان ەمدەلىپ، 23 - قىركۇيەكتە كوز جۇمعان بولاتىن. قارىز بولعاندىقتان سەۋل كلينيكاسى اتا- اناسىنا بالانىڭ دەنەسىن بەرمەي وتىر.
25 - قىركۇيەكتە بالانىڭ اكەسى سەۋلدەگى قازاقستان ەلشىلىگىنە جۇگىنىپ، زاڭگەرلىك كەڭەس العان جانە بالاسىنىڭ سىرقاتىنا جۇمسالعان اۋقىمدى قارىزدى وتەۋگە كومەك سۇراعان.
كوز جۇمعان بالانىڭ اتا- اناسى ءالى كۇنگە دەيىن قاراجات جيناۋ ۇستىندە.
اۆتور: ايان بەكەن ۇلى
