عالىمدار: ناۋقاسقا وتا جاساماي، سوقىرىشەكتى ەمدەۋ كەرەك

  استانا. قازاقپارات - جۇزدەگەن جىلدار بويى سوقىرىشەكتى ەمدەۋدىڭ ءبىر جولى - وتا ارقىلى الىپ تاستاۋ ءتۇرى قولدانىلىپ كەلدى. الايدا ماماندار سوقىرىشەكتى الىپ تاستاماي، ءدارى ارقىلى ەمدەپ جازۋعا بولاتىنى ايتتى.

بۇل تۋرالى سەنساتسيالىق جاڭالىقتى فينليانياداعى تۋركۋ ۋنيۆەرسيتەتىنىڭ عالىمدارى اشتى. دارىگەرلەر ءدارىنىڭ تەك اۋىرسىنۋدى باساتىنىن، اۋرۋدىڭ كۇردەلى ءتۇرىن ەمدەي المايتىنىن ايتادى. كەيىن ءبارىبىر وتا جاساپ الىپ تاستاۋعا تۋرا كەلەدى، ءبىراق ول كەزدە قيىندىق تۋىندايدى دەگەن پىكىر ايتادى.

اۋقىمدى زەرتتەۋ كەزىندە فيندىك ماماندار بەس جىل بويى ءۇش ءجۇز ناۋقاستىڭ دەنساۋلىعىن باقىلاپ كەلدى. ولاردىڭ جاسى 18 بەن 60 جاس ارالىعىندا. ناۋقاستىڭ ءبارى دارىمەن ەمدەلدى. ناۋقاستارعا ءۇش كۇن تامىرىنا ءدارى سالدى. كەيىن ءبىر اپتا ءدارى ءىشىپ ۇيىندە ەمدەلدى.

سونىڭ ناتيجەسىندە ەكى- ءۇش ناۋقاس جازىلىپ كەتتى. ال، سوقىرىشەگىن الۋى كەرەك بولعان ناۋقاستاردىڭ وتاسى ەش قيىندىقسىز ءوتتى.

بۇل دەگەنىمىز سوقىرىشەكتىڭ اسقىنباعان ءتۇرىن الدىمەن دارىمەن ەمدەۋ كەرەك دەيدى ماماندار. بۇل ناۋقاستىڭ جاعدايىن ناشارلاتپايدى. كەرىسىنشە وتاسىز ەمدەلۋىنە كومەكتەسەدى جانە جاراعا ينفەكسيا ءتۇسۋىنىڭ الدىن الادى.