الماتىدا ۇرلىقپەن اينالىسقان وزبەكستان ازاماتى ۇستالدى

الماتى. قازاقپارات - الماتىدا ۇيالى تەلەفون ۇرلاعان وزبەكستان ازاماتىن پوليتسيا ۇستادى، دەپ حابارلايدى قازاقپارات ءتىلشىسى.

ەر ادام تۇركسىب اۋدانىنداعى شولوحوۆ كوشەسىندە ۇستالدى.

«№2-اۆتوبۋسقا كىرگەن كەزدە ەر ادام ءبىر جولاۋشى قىزدىڭ سومكەسىنەن ۇيالى تەلەفونىن ۇرلاپ كەتكەن. پوليتسيا ۇرىنى الىسقا ۇزاتپاي ۇستادى. 45 جاستاعى ەركەك وزبەكستان ازاماتى بولىپ شىقتى. بەلگىلى بولعانداي، ول قازاقستاندا زاڭسىز تۇرىپ جاتقان. ونىمەن قوسا، №29 -اۆتوبۋستا تاعى ءبىر ەر ادام جولاۋشىنىڭ قۇجاتى مەن اقشاسى سالىنعان ءاميانىن قولدى ەتپەك بولعاندا ۇستالدى. 38 جاستاعى ەر ادام الماتى وبلىسىنىڭ تۇرعىنى بولىپ شىقتى»، - دەدى قالالىق ءى ءى د كريمينالدى پوليتسيا باسقارماسىنىڭ باسشىسى ەسەن ىسقاقوۆ.

 

ونىڭ ايتۋىنشا، قازىرگى تاڭدا ءى ءى د- دە اتالعان ەكى دەرەك بويىنشا ق ر ق ك 188-بابى بويىنشا سوتقا دەيىنگى تەرگەۋ جۇمىستارى باستالعان.