ەلىمىزدەگى ەڭ ۇزدىك جول ساقشىسى بەلگىلى بولدى

استانا. قازاقپارات - استانادا ىشكى ىستەر مينيسترلىگى ۇيىمداستىرعان «ۇزدىك مامان» جول- پاترۋل قىزمەتكەرلەرى بايقاۋى قورىتىندىلاندى، دەپ حابارلايدى قازاقپارات ءتىلشىسى.
None
None

قوعامدىق ءتارتىپتى كۇزەتۋ جانە جول ءجۇرىسى قاۋىپسىزدىگىن قامتاماسىز ەتۋ - ىشكى ىستەر ورگاندارىنىڭ باسىم مىندەتتەرىنىڭ ءبىرى. بۇل مىندەتتەردى ىسكە اسىرۋدا جەرگىلىكتى پوليتسيا قىزمەتى، سونىڭ ىشىندە جول-پاترۋل پوليتسياسى ساپتىق بولىنىستەرى ۇلكەن ءرول اتقارادى.

اتالعان بايقاۋ وسىمەن ءۇشىنشى رەت وتكىزىلىپ وتىر. بۇل جولى دا قىزىقتى، ءوزارا باسەكەلەستىك كۇرەس نەگىزىندە ءوربىدى. بايقاۋدا قىزمەتكەرلەر وزدەرى كۇندەلىكتى جۇمىس بارىسىندا تىكەلەي قولداناتىن نەمەسە قولدانۋى مۇمكىن 12 نەگىزگى اتالىم بويىنشا باق سىنادى. بۇل - نورماتيۆتىك- قۇقىقتىق اكتىلەردى ءبىلۋى، اتىس قارۋى جانە قىزمەتتىك ازىرلىك تەورياسى، اتىس قارۋى بويىنشا پراكتيكالىق سىناق، دەنە دايىندىعى، كۇرەستىڭ اسكەري تاسىلدەرى، ساپتىق بايقاۋ، اكىمشىلىك پراكتيكا، العاشقى مەديتسينالىق كومەك كورسەتۋ پراكتيكاسى، جوعارى بەلسەندى قوزعالىسى بار جول قيىلىستارىندا قوزعالىستى قولمەن رەتتەۋ پراكتيكاسى، سونداي-اق كولىكپەن (جەڭىل، جۇك كولىگى جانە موتوتسيكلدە) جىلدامدىققا مانيەۆرلار جاساۋ سياقتى سىناقتار.

بايقاۋدى وتكىزۋ بارىسىندا بارلىق قاتىسۋشىلار جوعارى ناتيجە كورسەتتى. ايتسە دە، بايقاۋدىڭ اتى - بايقاۋ، وندا جەڭىمپازدار مەن جەڭىلگەندەردىڭ بولۋى زاڭدى. سونىمەن، رەسپۋبليكالىق بايقاۋدىڭ قورىتىندىسى بويىنشا جول- پاترۋل پوليتسيا قىزمەتكەرلەرى اراسىندا ءبىرىنشى ورىندى شىعىس قازاقستان وبلىسى ءى ءى د ج پ ق ج پ پ باتالونى قىزمەتىنىڭ ينسپەكتورى، پوليتسيا لەيتەنانتى داستان وشابايەۆ يەلەندى، ەكىنشى ورىنعا استانا قالاسى ءى ءى د ج پ پ پولكى قىزمەتىنىڭ ينسپەكتورى، پوليتسيا لەيتەنانتى الديار جارىلعاسىنوۆ لايىق دەپ تانىلدى. ال ءۇشىنشى ورىندى الماتى قالاسى ءى ءى د ج پ پ پولكىنىڭ پوليتسەيى، اعا سەرجانت باعدات اشەكوۆ قانجىعاسىنا بايلادى.

ەسكە سالا كەتەيىك، رەسپۋبليكالىق بايقاۋ 24 -قىركۇيەك كۇنى باستالعان بولاتىن. وعان بارلىق وڭىردەن 17 پوليتسيا قىزمەتكەرى قاتىستى.

 

سوڭعى جاڭالىقتار