الماتىلىق بيزنەسمەندەر استانا قارجى ورتالىعىنا قالاي تىركەلە الادى؟
بۇگىن ا ح ق و ماماندارى بيزنەس قاۋىمداستىق پەن كاسىپكەرلەر اراسىندا ورتالىق تۋرالى تانىستىرۋ شاراسىن جۇرگىزدى.
بۇل شارا قارجىلىق جانە ينۆەستيتسيالىق مادەنيەتتى قالىپتاستىرۋ ماقساتىندا ۇيىمداستىرىلدى.
ا ح ق و ماماندارى قارجىلىق قىزمەتتەردى رەتتەۋ، قارجى تەحنولوگيالارى، جاسىل جانە يسلام وبليگاتسيالارىن شىعارۋ، نارىقتا قۇندى قاعازداردى ينۆەستيتسيالاۋ سالاسىنداعى ورتالىقتىڭ مۇمكىندىكتەرى تۋرالى ايتىپ بەردى.
«ءبىز بيزنەس قاۋىمداستىقتى جيناپ استانا حالىقارالىق قارجى ورتالىعىنا قالاي تىركەۋگە بولاتىنىن، ول ءۇشىن نە كەرەك ەكەنىن، ليسەنزيالاۋ تۋرالى ايتىپ جاتىرمىز. ورتالىقتا تىركەلگەن بيزنەس وكىلدەرىنە ول قانداي جەڭىلدىك بەرەتىنى انىقتالدى. بۇگىن ءۇش تاقىرىپ: جاسىل قارجى، يسلام قارجىلىق جۇيەلەرى، FinTech تۋرالى ايتىلادى» ، - دەدى استانا حالىقارالىق قارجىلىق ورتالىعى اكىمشىلىگى» ا ق باسقارۋشى ديرەكتورى ەرنۇر رىسماعامبەتوۆ.
كەلۋشىلەر استانا قارجىلىق ورتالىعىنىڭ اشىلىپ قايتا جابىلىپ قالعان الماتى قارجى ورتالىعىنا قانداي ايىرماشىلىعى بارىن سۇرادى.
«بىزگە كوماندالار ەكى سەبەپپەن كەلەدى. ءبىرىنشىسى، سالىقتان بوساۋ، بۇل جەڭىلدىك تەك قارجى سالاسىنداعى كوماندالارعا قاتىستى. ەكىنشى سەبەپ، بىزدە اعىلشىن قۇقىعى كەڭىستىگى بار. كەز كەلگەن كومانداعا زاڭ، بۋحگالتەريا، اۋديتورلىق، كونسالتينگتىك سالادا 10-15 ءتۇرلى قىزمەت ءتۇرى كەرەك» ، - دەدى ول.
سونىمەن قاتار، ونىڭ ايتۋىنشا، ا ح ق و دا تىركەلۋ ءۇشىن تالاپ وتە جوعارى.
«بارلىق ەرەجەلەر، نورمالار مەن رەتتەۋ شارالارى ەكى قاعيداعا تازالىق پەن مولدىرلىككە قۇرىلعان» ، - دەدى احقو وكىلى سەردار گيۋنەر.
ايتا كەتۋ كەرەك، الەمنىڭ 80 نەن استام ەلىندە حالىقارالىق ينۆەستورلار اپتالىعى - WIW 2018 باستالادى. بۇل شارانى حالىقارالىق قۇندى قاعازدار كوميسسياسى ۇيىمى وتكىزەدى. ءبىر اپتاعا سوزىلاتىن شارا بارىسىندا 80 گە تارتا قارجىلىق رەتتەۋشى كومپانيا مەن نارىق قاتىسۋشىلارى قارجىلىق ساۋاتتىلىق، ينۆەستيسيا جاساۋ تۋرالى ءتۇرلى شارا وتكىزەدى.
عالامدىق WIW 2018 باستاماسىنىڭ اياسىندا «استانا» حالىقارالىق قارجى ورتالىعى استانا، الماتى، شىمكەنت، قاراعاندى، قوستاناي قالالارىندا حالىقتىڭ يۆەستيتسيالىق ساۋاتتىلىعىن ارتتىرۋعا باعىتتالعان شارالار تىزبەگىن دايىندادى. ونىڭ ءبىرى بۇگىن تاڭەرتەڭ KIMEP ۋنيۆەرسيتەتىنىڭ ستۋدەنتتەر اراسىندا ءوتتى.
