عالىمدار وي سيگنالدارىن جولدايتىن جەلىنى ويلاپ تاپتى

  استانا. قازاقپارات - ا ق ش- تا العاش رەت زەرتحانالىق جاعدايدا «ميدان ميعا» وي سيگنالدارىن تىكەلەي جولداۋعا جانە ءوابىلداۋعا مۇمكىندىك بەرەتىن ءۇش قاتىسۋشىدان تۇراتىن توپ قۇرىلدى، دەپ حابارلايدى ريا نوۆوستي.

سىناقتى سيەتلداعى ۆاشينگت ون ۋنيۆەرسيتەتىنىڭ زەرتتەۋشىلەرى جۇرگىزدى. اندرەا ستوككو ارىپتەستەرىمەن بىرگە «مي جەلىسىن» قۇرۋ ءۇشىن مي بەلسەندىلىگىن تىركەۋگە مۇمكىندىك بەرەتىن ەلەكتر- ەنتسەفالوگرافيالىق داتچيكتەردى، سونداي- اق، ترانسكرانيالىق ماگنيتتىك ىنتالاندىرۋ اپپاراتتارىن قولدانعان.

2015 -جىلى عالىمدار بۇل مەحانيمدى مي ارقىلى تىكەلەي بايلانىساتىن ەكى ادامنان قۇرالعان توپقا پايدالانعان. بۇل كەزدە سىناققا قاتىسۋشىلار 20 سۇراققا جاۋاپ بەرەتىن ويىن ويناعان.

كەلەسى كەزەڭدە عالىمدار مۇنداي بايلانىستا تاعى ءبىر ادامدى قوسپاقشى بولادى. ولار BrainNet دەپ اتاعان جەلى ءارقايسىسى زەرتحانانىڭ بولەك بولمەسىندە وتىرعان توپ قاتىسۋشىلارىنا بىرلەسىپ «تەتريس» ويىنىن ويناۋعا مۇمكىندىك بەرەدى.

رولدەر بىلايشا ءبولىندى. ءۇش ادامنىڭ ەكەۋى بۇكىل ويىن الاڭىن كورىپ وتىرادى دا، ونىڭ جوعارى جاعىندا بەلگىلى ءبىر ءپىشىن پايدا بولىپ، ونى تومەنگى جاققا ورنالاستىرۋ ءۇشىن اۋدارۋ نە سول قالپىندا قالدىرۋ قاجەت بولادى. ال ءۇشىنشى ادام جوعارىدان كەلە جاتقان ءپىشىندى كورگەنىمەن، تومەنگى جاقتى كورمەيدى جانە ءپىشىندى قالاي جانە قايدا ورنالاستىرۋ كەرەكتىگىنەن حابارسىز بولادى. سايكەسىنشە، ول ءپىشىندى بۇرۋ نەمەسە سول كۇيىندە قالدىرۋ قاجەتتىلىگىن ول «مي- مي» ينتەرفەيسى ارقىلى ارىپتەستەرىنەن كەلەتىن سيگنالداردىڭ ارقاسىندا شەشىپ وتىرعان.

ەكى جونەلتۋشى جولداۋى مۇمكىن سيگاندار «اۋدارۋ» نەمەسە «اۋدارماۋ» تۇرىندە بولعان. ءبىرىنشى تۇرىدەگى سيگنال جولداۋ ءۇشىن 15 گەرتس جىلدامدىقپەن جانىپ- وشەتىن جارىق ديودقا قاراسا، ەكىنشى سيگنالدى جولداۋ ءۇشىن 17 گەرتس جىلدامدىقتاعى جارىقديودقا قاراۋى ءتيىس بولعان.

بۇيرىقتى ورىنداۋ كومانانى قابىلداۋى ءۇشىن ترانسكرانيالىق ماگنيتتىك ىنتالاندىرۋ اپپاراتى ونىڭ ميىنا يمۋپلس جولداپ، ول جارىق سيگنالى پايدا بولۋى ءۇشىن سۋبەكتيۆتى تۇپردە سەزىلەتىن بولعان. سايكەسىنشە، ءپىشىندى اۋدارۋ قاجەت بولسا، يمپۋلس جولدانادى، قاجەت بولماسا، جولدانبايدى.

سيگنال جولداۋشىلار ونى ورىنداۋشى كوماندانى قابىلداعانىن، ياعني، دۇرىس ورىندالعانىن ناقتى ۋاقىت ىشىندە تەكسەرىپ، ولاي بولماسا، كوماندانى قايتا جولداپ وتىرعان.

 زەرتتەۋشىلەردىڭ ايتۋىنشا، مۇنداي ارەكەتتى تەك زەرتحانا جاعدايىندا عانا ەمەس، ينتەرنەت ارقىلى دا ۇيىمداستىرۋعا بولاتىن كورىنەدى. بۇل ميلاردىڭ جاھاندىق اۋقىمدا قارىم- قاتىناستا بولۋىنا مۇمكىندىك بەرەدى.

Baq.kz