استانادا قانداي ماماندارعا سۇرانىس كوپ

استانا. قازاقپارات - ەلوردالىق جۇمىسپەن قامتۋ ورتالىعى ەڭ سۇرانىسقا يە ماماندىقتاردى ايتتى، دەپ حابارلايدى قازاقپارات اكىمدىكتىڭ رەسمي سايتىنا سىلتەمە جاساپ.

 استانادا بارىنەن بۇرىن ساتۋشىلارعا سۇرانىس جوعارى. ەكىنشى ورىندا بارمەندەر، داياشىلار جانە قۇرىلىسشىلار. ەڭبەك رىنوگى وسى سالالاردا % 23 تيىسىنشە % 24 ۇسىنىس جاسايدى. ال سۇرانىس % 25  بەن % 18  ارالىعىندا. ءۇشىنشى ورىندا كولىك قىزمەتكەرلەرى جانە لوگيستيكا. ءتورتىنشى ورىندا اكىمشىلىك قىزمەتكەرلەرى. ەڭبەك نارىعىندا وسى سالالاردا ۇسىنىس % 15 جانە %12 قۇرايدى.

 سونىمەن قاتار، مەدبيكەلەر، مۇعالىمدەر قاجەت. جالپى جۇمىسپەن قامتۋ ورتالىعىندا قازىرگى كۇنى 6 مىڭنان استام ادام تىركەلگەن. ءوز ماماندىعىڭىز بويىنشا جۇمىسقا ورنالاسۋ ءۇشىن ورتالىقتىڭ سايتىنا كىرىپ، مىندەتتى تۇردە ەلەكتروندى ادرەستى كورسەتىپ، انكەتانى تولتىرىپ تىركەلۋ قاجەت. سوسىن «ىزدەۋ» تەتىكشەسىندە قانداي جۇمىس كەرەك ەكەنىن تولتىراسىز. ال، ورتالىقتان بوس جۇمىس ورىندارى تۋرالى اقپارات ءسىزدىڭ پوشتاڭىزعا كەلىپ تۇرادى.