قازاقستاننىڭ ۇزدىك باسپا ءسوز قىزمەتتەرى انىقتالدى
الدىمەن بارشا جەڭىمپازداردى ق ر اقپارات جانە كوممۋنيكاتسيالار ءمينيسترى داۋرەن ابايەۆ قۇتتىقتاپ، ولاردىڭ الداعى ۋاقىتتا جۇمىستارىنا تولاعاي تابىستار تىلەدى.
«ەڭ الدىمەن وسى شارانى ۇيىمداستىرىپ، باستان- اياق جۇرگىزگەن ۇيىمداستىرۋشىلارعا، قاتىسقان تەلەارنالاردىڭ باسشىلارىنا، قىزمەتكەرلەرىنە، پروداكشن كومپانيالارعا، جۋرناليستەرگە شىن جۇرەگىممەن العىسىمدى بىلدىرەمىن. 2 مىڭعا جۋىق قوناق بولدى. ونىڭ ىشىندە شەتەلدەن كەلگەن قوناقتار دا بار. وسىنداي شارالار جالعاسىن تاۋىپ، ەلىمىزدىڭ مەديا سالاسىندا وڭ ناتيجەسىن بەرەدى دەپ سەنەمىن»، - دەدى داۋرەن ابايەۆ.
سونىمەن بايقاۋ قازىلار القاسىنىڭ شەشىمىمەن «ورتالىق مەملەكەتتىك ورگاننىڭ ۇزدىك باسپا ءسوز قىزمەتى» اتالىمىندا قورعانىس مينيسترلىگى، «بيزنەس جانە كۆازيمەملەكەتتىڭ سەكتوردىڭ ۇزدىك باسپا ءسوز قىزمەتى» اتالىمىندا «اتامەكەن» ۇلتتىق كاسىپكەرلەر پالاتاسى، «جەرگىلىكتى اتقارۋشى ورگاننىڭ ۇزدىك باسپا ءسوز قىزمەتى» اتالىمىندا الماتى قالاسىنىڭ اكىمدىگى، «قوعامدىق ۇيىمداردىڭ ۇزدىك باسپا ءسوز قىزمەتى» اتالىمىندا ق ر تۇڭعىش پرەزيدەنتى قورى، «جىلدىڭ ۇزدىك باسپا ءسوز حاتشىسى» اتالىمىندا الماتى قالالىق ىشكى ىستەر دەپارتامەنتىنىڭ رەسمي وكىلى سالتانات ازىربەك، « باسپا سوز قىزمەتى - جىل سەرپىنى» اتالىمىندا ق ر باس پروكۋراتۋراسى، «ۇزدىك كورپوراتيۆتىك سايت» اتالىمىندا ق ر ينۆەستيتسيالار جانە دامۋ مينيسترلىگى جەڭىسكە جەتتى. جەڭىمپازدارعا العىس حات پەن كۋبوك تابىس ەتىلدى.
ايتا كەتەيىك، «DIGITAL MEDIA» تاقىرىبىمەن وتكەن «Astana Media Week» قازاقستاندىق مەديا- اپتالىعى بۇگىن ءوز مارەسىنە جەتتى.
مەديا-اپتالىق «كونتەنت- ماركەت» كورمەسىمەن اشىلدى. سونداي-اق، مەديا- اپتالىقتىڭ ءبىرىنشى كۇنى Media Talks پىكىرتالاس الاڭى جۇمىس ىستەدى. توك- شوۋ فورماتىندا «بولاشاقتاعى كاسىپتەر» تالقىلاندى. ال ەكىنشى كۇنى «وڭىرلىك ب ا ق فورۋمى» وتكىزىلدى. وندا مەديا سالانىڭ بەدەلدى ساراپشىلارى سيفرلىق ب ا ق ترانسفورماتسياسى ساۋالدارىن، كونتەنت نارىعى، ءوندىرىسى مەن ديستريبۋتسياسى قانداي بولاتىنىن، قازاقستاندا مەديا ساۋاتتىلىق پەن مەديا ءبىلىمنىڭ دامۋ ماسەلەرىن جانە بولاشاعىن، ءارى وتاندىق ماسس- مەديا قىزمەتىنە قاتىستى زاڭناما سالاسىنداعى رەفورمالاردى تالقىلادى. 27 - جانە 28 - قىركۇيەك كۇندەرى «وڭىرلىك ب ا ق اليانسى» ورتالىق جانە جەرگىلىكتى مەملەكەتتىك ورگانداردىڭ باسپا ءسوز حاتشىلارى، باسپا ءسوز قىزمەتتەرىنىڭ ماماندارى مەن وڭىرلىك ب ا ق تىلشىلەرى ءۇشىن سەمينارلار مەن ترەنينگتەر ۇيىمداستىرادى. AMW اياسىندا ءۇشىنشى كۇنى، سونداي- اق ASTANA DIGITAL FORUM ءوتتى.
