ادەپ جونىندەگى كەڭەس مۇشەلەرى مەملەكەتتىك قىزمەتشىلەرمەن كەزدەستى

None
None
 كوكشەتاۋ. قازاقپارات - مەملەكەتتىك باسقارۋ اكادەمياسىنىڭ اقمولا وبلىسى فيليالىندا وبلىستىق ادەپ جونىندەگى كەڭەستىڭ مۇشەلەرى مەملەكەتتىك قىزمەتكە جاڭا كەلىپ تۇسكەن مەملەكەتتىك قىزمەتشىلەرمەن بەيرەسمي كەزدەسۋ وتكىزدى، دەپ حابارلايدى قازاقپارات.

قازىرگى زامانعى مەملەكەتتىك قىزمەت جاھاندىق ماسەلەلەرگە توزىمدىلىكتى قالىپتاستىرۋ جولىندا مەملەكەتتىك قىزمەتشىلەرگە جاڭا تالاپتار قويادى. بۇگىنگى كۇنى ءبىز كەز كەلگەن جاعدايدا ءتيىستى تاسىلدەر مەن ايرىقشا شەشىمدەر تابۋعا قابىلەتتى، ەرەكشە ويلايتىن جاڭا فورماتتاعى مەملەكەتتىك قىزمەتشىلەردى قالىپتاستىرۋدى كوزدەيمىز. وسى ماقساتقا قول جەتكىزۋ جولىندا تۋىندايتىن ماسەلەلەردى شەشۋ جانە جويۋ قاجەت. تاجىريبەگە سۇيەنەر بولساق، قازىرگى زاماننىڭ ءداستۇرلى راسىمىنە اينالعان بەيرەسمي كەزدەسۋلەر كوپتەگەن ماسەلەلەردىڭ شۇعىل شەشىلۋىنە، مەملەكەتتىك قىزمەتشىلەردى جاڭا داعدىلارعا جىلدام ۇيرەتۋگە، مادەني الماسۋعا، تاجىريبە قابىلداۋعا جانە وي- ءورىستىڭ كەڭەيۋىنە ىقپال ەتەدى.

 «رۋحاني جاڭعىرۋ» باعدارلاماسىنىڭ اياسىندا ۇيىمداستىرىلعان كەزدەسۋ بەيرەسمي، باسقا سوزبەن ايتقاندا «گالستۋكسىز» فورماتتا وتكىزىلىپ، ول ءوز كەزەگىندە اشىق جانە ىزدەنىسكە تولى اڭگىمەنىڭ تۋىنداۋىنا ىقپال ەتتى. قاتىسۋشىلار مەملەكەتتىك قىزمەتشىلەردىڭ ساناسىن جاڭعىرتۋ ءبىرقاتار ادەتتەر مەن تاپتاۋرىنداردىڭ وزگەرۋىنسىز مۇمكىن ەمەستىگىن اتاپ ءوتتى. بۇل ءۇشىن ءاربىر مەملەكەتتىك قىزمەتشى ءوز قالاۋىمەن وزگەرىپ، جۇمىسىنا دەگەن قارىم- قاتىناسىن دا وزگەرتىپ، ءوزىنىڭ ماڭىزدى ءرولىن ءتۇسىنۋى ءتيىس. سونىمەن قاتار، كوپشىلىك مەملەكەتتىك قىزمەتشىنىڭ ءتيىمدى جۇمىسىنا، ساناسىنىڭ وزگەرۋىنە بوگەت بولاتىن كۇندەلىكتى قىزمەتتەگى «ارتىق» ەلەمەنتتەردەن قۇتىلۋ قاجەتتىگىن اتاپ ءوتتى.

 جاستارمەن جاسالعان جۇمىستىڭ جاڭا ۇلگىسى ەكى جاقتىڭ دا كوڭىلىنەن شىقتى. جاس ماماندار جەمقورلىق قۇقىق بۇزۋشىلىقتاردىڭ الدىن الۋ، مەملەكەتتىك قىزمەت جۇيەسىن جەتىلدىرۋ، مەملەكەتتىك قىزمەتشىلەردىڭ ادەپ كودەكسى تالاپتارىن ۇستانۋى، ولاردىڭ سىرتقى كەلبەتى مەن الەۋمەتتىك جەلىدە ءوزىن ءوزى ۇستاۋى سياقتى مەملەكەتتىك ورگاندار قىزمەتىنىڭ ءتۇرلى باعىتتارى بويىنشا ءوز پىكىرلەرىن ءبىلدىردى.

جيىن بارىسىندا ادەپ جونىندەگى كەڭەستىڭ رولىنە ەرەكشە كوڭىل ءبولىندى. ىسكەرلىك ادەپتىلىك جانە رەسمي ادەپتىلىك تالاپتارىن ۇستانۋدىڭ، سونىمەن قاتار مەملەكەتتىك قىزمەتشىلەردىڭ ۇستامدىلىعى مەن سىرتقى كەلبەتىنىڭ ۇقىپتىلىعى ادەتكە اينالۋى ءتيىس ەكەنى ايتىلدى.

«مەملەكەتتىك قىزمەتشى قوعام تاراپىنان نەگىزدى سىنعا سەبەپكەر بولماي، ادەپ كودەكسىنىڭ تالاپتارىن مۇلتىكسىز ۇستانۋى ءتيىس. باسشىلار بولسا ءوز قاراماعىنداعى قىزمەتشىلەر ءۇشىن ءارقاشان ۇلگى- ونەگە بولىپ، مەريتوكراتيا قاعيداسىنىڭ ۇستانىلۋىن قامتاماسىز ەتۋگە ءتيىستى» - دەدى ادەپ جونىندەگى كەڭەس ءتوراعاسى، ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس- قيمىل اگەنتتىگىنىڭ اقمولا وبلىسى بويىنشا دەپارتامەنتىنىڭ باسشىسى بەرگەن بەسپالينوۆ.

 سونىمەن قاتار، بەرگەن بەسپالينوۆ مەملەكەتتىك قىزمەتتىڭ گۇلدەنۋىنە جول اشاتىن باستى شارتتاردىڭ ءبىرى - باسشىلار مەن ونىڭ قاراماعىنداعى قىزمەتكەرلەر اراسىنداعى ايرىقشا سەنىم مەن ىنتىماق ەكەنىن ايتتى. ونىڭ ايتۋىنشا، وسى شارت جۇمىستىڭ تيىمدىلىگىنە ىقپال ەتەدى.

وبلىستىق ءماسليحات دەپۋتاتى الىبەك بايماعامبەتوۆ جاستاردى كوبىرەك باستاما كوتەرۋدەن جالىقپاي، بەلسەندى بولۋعا شاقىرسا، «قازاقستاننىڭ ىسكەر ايەلدەر وداعى» قوعامدىق بىرلەستىگىنىڭ اقمولا وبلىسىنداعى وكىلى تۇرسىنحان شايكينا مەملەكەت پەن بيزنەستىڭ ءوزارا قاتىناسىنا توقتالىپ ءوتتى.

ءدال وسىنداي گالستۋكسىز كەزدەسۋ 24 - قىركۇيەكتە جاستار ساياساتى ماسەلەلەرى باسقارماسىندا دا وتكەن. كەزدەسۋگە قاتىسۋشىلار - ءوز تاعدىرلارىن مەملەكەتتىك قىزمەتپەن بايلانىستىرۋدى جوسپارلايتىن ج وو  ستۋدەنتتەرى.

 كەزدەسۋ سوڭىندا بەرگەن بەسپالينوۆ قاتىسۋشىلارعا بەلسەندىلىك تانىتىپ، جاقسى يدەيالار مەن ۇسىنىستار ايتقانى ءۇشىن العىس ءبىلدىرىپ، بارلىق پايدالى جانە نەگىزدى يدەيالاردىڭ قاجەتتى قولداۋعا جانە كومەككە يە بولاتىنىنا سەندىردى.

سوڭعى جاڭالىقتار