مەدبيكەلەرگە تالاپ كۇشەيەدى - ەلجان ءبىرتانوۆ
بۇل تۋرالى ۇكىمەت ۇيىندە وتكەن باسپا ءسوز ءماسليحاتىندا ق ر دەنساۋلىق ساقتاۋ ءمينيسترى ەلجان ءبىرتانوۆ ءمالىم ەتتى، دەپ حابارلايدى قازاقپارات ءتىلشىسى.
«ەلىمىزدە مەدبيكە دايارلايتىن 76 مەديتسينالىق كوللەدج بار، ونىڭ %25 ى - مەملەكەتتىك، قالعانى - جەكەمەنشىك. جەكەمەنشىك باسىم بولعاندىقتان، بۇل ءبىر بيزنەس تۇرىنە اينالىپ كەتتى. ەڭ باستىسى - ليتسەنزيا بار، ونىڭ ساپاسىنا ءبارى بىردەي ءمان بەرە بەرمەيدى. بۇل ماڭىزدى ماسەلە، ويتكەنى، كوپ پراكتيكالىق جۇمىستاردى مەيىربيكەلەر ىستەيدى، سوندىقتان كادر ساپاسى وسى جەرگە اقسايدى. وسى تۇرعىدا ءبىز كەلەسى جىلدان باستاپ سىرتقى تاۋەلسىز كوميسسيا ارقىلى مەديتسينا ماماندارىن قوسىمشا ەمتيحان ارقىلى ەكسپەرتيزادان وتكىزۋ تالابىن ەنگىزەمىز. قازىر اتالعان وزگەرىسكە قاتىستى زاڭ جوباسى ءماجىلىستىڭ قاراۋىندا. زاڭ قابىلدانعان سوڭ مەديتسينالىق كوللەدجدەردى اياقتاعان مەدبيكەلەر ارنايى تاۋەلسىز ەمتيحان تاپسىرىپ، سونىڭ ناتيجەسىندە مامانعا ليتسەنزيا بەرىلەدى. ءبىلىمىن دالەلدەي الماعان مامان ليتسەنزياسىز قالادى، وسىلايشا مەيىربيكەلەرگە تالاپتى كۇشەيتە وتىرىپ، مەديتسينالىق قىزمەتتىڭ ساپاسىن كوتەرگىمىز كەلەدى» ، - دەدى ە. ءبىرتانوۆ.
مينيستر كەلتىرگەن دەرەكتەرگە سۇيەنسەك، بۇگىندە ەل بويىنشا مەديتسينا ماماندىعىن بىتىرگەن ستۋدەنتتەردىڭ تەك% 60-70 عانا ءوز ماماندىعىمەن جۇمىس ىستەيدى، قالعانى باسقا سالاعا كەتەدى.
سونىمەن قاتار، مينيستر مەديتسينا قىزمەتكەرلەرىنىڭ جالاقىسى ماسەلەسىنە دە توقتالدى.
«مەديتسينا قىزمەتكەرلەرىنىڭ تاپشىلىعى جالاقىدان تۋىنداپ وتىرعانىن ءبارىمىز بىلەمىز. وسى تۇرعىدا ايتارىم - مينيسترلىكتىڭ دەنساۋلىق ساقتاۋ باعدارلاماسىنداعى ينديكاتورعا سايكەس، 2019 -جىلى ەڭبەكاقىنى جالپى ەكونوميكالىق ولشەممەن %10 عا كوتەرۋ جوسپاردا تۇر. ودان بولەك، ءار ءوڭىردىڭ وزىندىك ورتاشا جالاقى ەسەبى بار، ءبىز ونى باقىلاۋدا ۇستاپ وتىرمىز. اي سايىن مەملەكەتتىك مەكەمەلەردەگى جالاقى ماسەلەسىنە قاتىستى ەسەپ جۇرگىزىلۋدە» ، - دەدى ول.
ءمينيستردىڭ ايتۋىنشا، بۇگىنگى كۇنى مەملەكەتتىك مەديتسينالىق مەكەمەلەردىڭ %85 نىڭ جالاقىنى ءوز بەتىنشە شەشىم قابىلداپ، كوتەرۋ مۇمكىندىگى بار، ونى مەملەكەت بەكىتپەيدى.
ەڭ جوعارى جالاقى الاتىن ءوڭىر رەتىندە مينيستر ب ق و- نى اتاسا، تومەنگى جالاقى كولەمى س ق و- دا بولىپ شىقتى.
