ارىقتاۋدىڭ وڭاي جولى

 استانا. قازاقپارات - بۇگىندە ارتىق سالماقتان ارىلعىسى كەلەتىن قىز- كەلىنشەكتەر كوپ. سونداي جاندارعا پايداسى تيەتىن بىرەر تاسىلدەر جونىندە ايتا كەتۋدى ۇيعاردىق. ياعني كادىمگى سۋ ارقىلى ارىقتاۋعا دا بولادى.

 سۋ تابەتتى باسادى اسقازان تولىپ تۇرعانىن سەزگەندە، ول ميعا بەلگى جىبەرەدى. سولاي ءبىز ءارى قاراي ەشتەڭە جەگىمىز كەلمەيتىنىن تۇسىنەمىز. ال سۋ بولسا اسقازاندا از ورىن المايدى، سوندىقتان ول تولىپ تۇرعانداي سەزىم تۋدىرادى. سونىمەن قاتار ادام ءشولدى قارنى اشقان سەكىلدى قابىلداۋى مۇمكىن. سوندىقتان نەگىزگى تاماق ىشەر الدىندا 1 ستاقان سۋ ءىشىپ العان ءجون. ول ارتىق تاماقتانۋدان قۇتقارادى. كالوريانى كەتىرەدى عالىمدار 500 ميلليليتر سۋ اعزانى ادەتتەگىگە قاراعاندا 2-3 پايىز ارتىق كالوريا كەتىرۋگە ماجبۇرلەيتىنىن انىقتادى. ال ەگەر ول سۋىق بولسا، ودان دا كوبىرەك كالوريا كەتەدى. سەبەبى اعزا ونى جىلىتۋ ءۇشىن ەنەرگيا جۇمساۋى كەرەك.

ارتىق زاتتاردى تىسقا شىعارادى سۇيىقتىق جەتپەگەن كەزدە اعزا ءزاردى جانە ءناجىستى دۇرىس شىعارا المايدى. سۋ اس قالدىقتارىنا ورىن اۋىستىرۋعا جانە جۇمسارۋعا كومەكتەسەدى. ال اعزا سۋسىزداناردا بۇيرەكتەر سۇيىقتىقتى ۇستاپ قالا باستايدى. ول ءوز كەزەگىندە ءىسىنۋ مەن ارتىق سالماققا اكەلەدى. سوندىقتان سۋدى جەتكىلىكتى تۇتىنۋ كەرەك. كومىرسۋدان قۇتقارادى گازدالعان سۋسىندار، جەمىس شىرىندارى، ءتاتتى كوفە نەمەسە شاي -  بۇلاردىڭ بارلىعى ارتىق كومىرسۋلار. ولاردى قاراپايىم سۋمەن اۋىستىرىڭىز، سول كەزدە سالماق تاستاي باستايسىز.

 مايدى ىدىراتادى سۋسىزدانعان اعزا مايدى دۇرىس ىدىراتا المايدى. سوندىقتان ەڭ قاتاڭ ديەتانىڭ ءوزى سۇيىقتىقتىڭ قاجەتتى مولشەرى بولماسا، ناتيجە بەرمەيدى. فيزيكالىق جۇكتەمە كەزىندە پايداسى مول سۇيىقتىق بۇلشىق ەتتتەرگە، دانەكەر تىندەرگە جانە بۋىندارعا دۇرىس قوزعالۋعا، ال وكپە مەن جۇرەككە ءتيىمدى جۇمىس ىستەۋگە كومەكتەسەدى. جەتكىلىكتى سۋ ىشكەن كەزدە بۇلشىق ەتتەر ءسىڭىرىنىڭ تارتىلۋى مەن شارشاۋ قاۋپى ازايادى. ياعني جاتتىعۋعا ەشتەڭە كەدەرگى كەلتىرمەيدى. ەندەشە دەنە سىمباتىن ءبىرقالىپتا ۇستاعىڭىز كەلسە، سۋدى جەتكىلىكتى مولشەردە تۇتىنا ءجۇرىڭىز دەمەكپىز.

 zamana.kz